پاركێ گشتی یێ شێخان بكوژمێ پتر ژ 5ملیار دینارا هاته‌ ڤه‌كرن

شیخان- تایبه‌ت ب KDP.info/  ب ئاماده‌بونا  ته‌مه‌ر ره‌مه‌زان پارێزگه‌رێ دهوكێ وچه‌ند به‌رپرسێن حزبی وئیداری وخه‌لكێ ده‌ڤه‌رێ پاركێ گشتی ل سه‌نته‌رێ ده‌ڤه‌رداریا شێخان هاته‌ ڤه‌كرن،پاركێ هان ل سه‌ر روبه‌رێ 40هزار م2 بكوژمێ پتر ژ5ملیار دیناران هاتیه‌ دورستكرن، باخچێن جوان ویاریێن زاروكان وجهێن بێهنڤه‌دانا ودیمه‌نێن تازه‌ دناڤ باخچه‌یدا هه‌نه‌ ورویه‌كێ شارستانی دایه‌ ده‌ڤه‌رێ.

 

ل دور گرنگیا ڤه‌كرنا پاركێ گشتی ل شێخان ئه‌ندازیار مه‌م سلیم باقه‌سری سه‌روكێ باژێرڤانیا شێخان گوت (( چێكرنا پاركی ل شێخان یا پێدڤی بو وخه‌لكێ مه‌ ل سه‌نته‌ری شێخان وده‌وروبه‌ران ژی دێ شێن بو بێهڤه‌دانێن خو ب كارئینن سوپاسیا حكومه‌تا كوردستانێ دكه‌ین بوچێكرنا پروژا ل ده‌ڤه‌را مه‌ تایبه‌ت پاركێ هان وئه‌م دبێژینێ ((پاركێ پێكڤه‌ ژیانێ) ل شێخان بو هه‌موو خه‌لكێ ده‌ڤه‌رێ یه‌، پارك ل سه‌ر روبه‌رێ 40،000م2 بكوژمێ 5ملیار و300ملیون دینارا هاتیه‌ دورستكرن ودێ سیمایه‌كێ جوان ده‌ته‌ باژێرێ مه‌ ...

سه‌باره‌ت سه‌خبێركرنا پاركی وچێكرنا جادا سه‌ره‌كێ یا پاركی سه‌روكێ باژێرڤانیا شێخان گوت . نوكه‌ ده‌ست ب چێكرنا رێكا سه‌ره‌كی یا پاركی هاتیه‌ كرن بهایێ پروژه‌ی 2ملیار و400ملیون دینارن ول ده‌مه‌كێ نێزیك دێ ب دوماهی هێت وبو پاراستنا پاركی مه‌ لیژنه‌ك ژچه‌ند ئه‌ندازیاران دانایه‌ بو دوڤ چونا كاروبارێن ته‌كنیكی ویێن خزمه‌تكرنێ وپاراستنا پاركی وكارگێریا وی ئه‌ز باوه‌رم دێ ل دوڤ سیسته‌مه‌كێ مودرن كارگێری وپاراستنا وی هێته‌ كرن.