لەیلا زانا داوادەكات، یەكەتیی ئەوروپا لە چارەسەرى كێشەى كورد ڕۆڵێكى كارا بگێڕێت

بەپێی هەوالێكی ئاژانسى فورات لەیلا زانا پەرلەمەنتارى سەربەخۆى كورد لە پەرلەمانى توركیا داوا لە یەكەتیی ئەوروپا دەكا لە چارەسەرى كێشەى كورددا ڕۆڵێكى كارا بگێڕێ.

لە دانیشتنێكى تایبەت بە مافى ژن و ئازادیى ڕادەربڕین لە توركیا كە دوێنێ چوارشەممە 11/7/2012  لەلایەن كۆمیتەى مافى ژن و یەكسانى ڕەگەزیى یەكەتیى ئەوروپا و كۆمیسیۆنى پەرلەمانى هاوبەشى توركیا و یەكەتیی ئەوروپا لە پەرلەمانى ئەوروپا ساز كرابوو لەیلا زانا رایگەیاند: پێویستە یەكەتیی ئەوروپا لە چارەسەرى كێشەى كورددا ڕۆڵێكى كارا بگێڕێ.