پارێزگه‌رێ دهوكێ دگه‌لدا كونسلێ گشتی یی كوریا ژێری ل كوردستانێ پێشانگه‌ها كوردستان- كوریا یا فوتوگرافی ڤەكر
دهوك-KDP.info/ ئه‌ڤرو ته‌مه‌ر ره‌مه‌زان پارێزگه‌رێ دهوكێ دگه‌لدا (كیم یونگ هیون ( كونسلێ گشتی یی كوریا ژێری ل كوردستانێ پێشانگه‌ها كوردستان- كوریا یا فوتوگرافی ل هولا پاركێ پانوراما ئازادی ڤه كر .
دری و ره سمێن ڤه‌كرنێ دا كونسلێ گشتی یی كوریا ژێری و پارێزگه‌رێ دهوكێ دپه‌یڤێن خودا داكوكی ل سه‌ر باشتر كرنا تێكه‌لیێن كوردستانێ و كوریا ژێری دهه‌می بیاڤان كر و دیار كر كو ڤه‌كرنا ڤێ پێشانگه‌هێ ده‌رگه‌هه‌كێ دیێ باشتر كرنا تێكه‌لیێن كه‌لتوری و ره‌وشه‌نبیری یه دنافبه‌را كوردستانێ و كوریا ژێری دا دهێته ڤه‌كرن.
پارێزگه‌رێ دهوكێ دیار كر كو تێكه‌لیێن كوردستانێ و كوریا ژێری ژ سالادوهزاروسێ یێ وه‌ره ده‌ست پێكری و سال بو سالێ دوه‌رار و پێشڤه‌چونێ دایه و نوكه كومپانیه‌كا شاره‌زا و پێشكه‌فتی دبیاڤێ فروكه‌ڤانیێ دابناڤێ كومپانیا ئینجون سه‌رپه‌رشتیا ئاڤاكرنا فروكخانا دهوك یا ده‌وله‌تی دكه‌ت و دان و ستاندن دبه‌رده‌وامن ل سه‌ر ئیمزاكرنا رێكه‌فتنه‌كێ كو كومپانیا ئینجون یا كوری كو كارێ برێڤه‌برنا فروكخانێ پشتی بدوماهیك هاتنێ بكه‌ت و هیڤی خواست كو تێكه‌لیێن دهوكێ و كوریا ژێری دبیاڤێ ره‌وشه‌نبیری و هونه‌ری و كلتوری دا خورت تر لێبهێن .
هه‌ژی گوتنێ یه كو پێشانگه‌ه ژلایێ وینه‌گرێ كوری كیم سو تا هاتیه به‌رهه‌فكرن و ب هه‌فكاریا رێڤه‌به‌ریا گشتی یا ره‌وشه‌نبیری و هونه‌ری ل پارێزگه‌ها دهوكێ هاتبو رێكخستن و ژ سه‌دوهه‌ڤده كه‌فالێن فوتوگرافی ل سه‌ر سروشتێ كوردستانێ و كوریا ژێری پێك دهات.
