دوولایه‌نى ئۆپۆزسیۆن دژى گۆڕان ده‌وه‌ستنه‌وه
هه‌ولێر _ KDP.info/ کۆمەڵ و یەکگرتووی ئیسلامی کوردستان گۆڕینی پارێزگاری سلێمانی بەبێ هەڵبژاردن لەلایەن گۆڕانەوە بە ناتەندروست دەزانن.
یەکگرتووی ئیسلامی کوردستان و کۆمەڵی ئیسلامی کوردستان دەربارەی هەڕەشەی گۆڕینی پاریزگاری سلێمانی لەلایەن بزووتنەوەی گۆڕانەوە بەبێ ئەوەی هەڵبژاردنی ئەنجوومەنی پاریزگاکان ئەنجامبدرێ، بێ دەنگی دەشکێنن و دەڵێن، هەنگاوێکی نابەجێیەو لەگەڵیدا نین.
هیوا میرزا سابیر، ئەندامی مەکتەبی سیاسی یەکگرتوو، گۆڕینی پارێزگاری سلێمانی بەبێ هەڵبژاردن بە ناتەندروست دەزانێ و بۆ روداو دەڵێت، حیزبەکەی لەگەڵ دروستکردنی پشێووی نییە.
هەرچی کۆمەڵی ئیسلامی کوردستانیشە، بزووتنەوەی گۆڕان لەوە ئاگاداردەکاتەوە کە هەر بڕیارێک بەتەنیا بدات ئەوان لێ بەرپرسیار نین.
