بەهۆی باران بارین لە شنگاڵ 4 كەس گیانیان لەدەستدا و 100 خانووش رووخان
شنگاڵ – تایبەت بە KDP.info/ بەهۆی باران بارین لە دەڤەری شنگاڵ 4 كەس گیانیان لەدەستدا و زیاتر لە 100 خانووی هاووڵاتیانیش رووخان و هەروەها رێگەی سەرەكیی نێوان ژمارەیەك گوند و ئاواییش لە دەڤەرەكە داخران.
لەمبارەیەوە سەرچاوەیەكی ئەمنی لە شنگاڵ بە KDP.infoی راگەیاند كە دوای ئەوەی شەپۆلێكی باران بارین دەڤەری شنگاڵی گرتەوە و بەوهۆیەوە وێرای گیان لەدەستدانی 4 هاووڵاتی؛ زیاتر لە 100 خانووش رووخاون و زیانی ماددیی زۆر بە دانیشتووانی دەڤەرەكە گەیشتووە.
هەروەها سەرچاوەكە راشیگەیاند كە لایەنە پەیوەندیدارەكان بەردەوامن لە بەهاناوەچۆنی هاووڵاتیان و كردنەوەی رێگاوبانەكانی نێوان گوند و ئاواییەكان.
لەلایەن خۆیانەوە خەڵكی دەڤەرەكە داوایان لە حكوومەتی هەرێمی كوردستان كرد كە بەهانایەوە بچێت و قەرەبوویان بكاتەوە. قایمقامیەتی شنگاڵیش رایگەیاند كە بۆ هەڵسەنگاندنی رەوشەكە لیژنەیەكیان پێكهێناوە.
