گەنجێكی تەمەن 33 ساڵە، لە بەردەركی سەرای شاری سلێمانی خۆی كوشت
سلێمانی – KDP.info / ئێوارەی دوێنێ گەنجێكی تەمەن 33 ساڵە،خەڵكی شارۆچكەی بیارەیە لە بەردەركی سەرای شاری سلێمانی خۆی كوشت. پۆلیسیش دەلێت: كاتێك چووینە شوێنی رووداوەكە بینیمان گەنجەكە فیشەكێك بەسەریەوەیە و دەمانچەكەش لای خۆیەوە كەوتووە، هەواڵنێری KDP.infoرایگەیاند: ئێوارەی دوێنێ گەنجێكی تەمەن 33 ساڵە،خەڵكی شارۆچكەی بیارەیە لە بەردەركی سەرای شاری سلێمانی خۆی كوشت و پۆلیسش تەرمی گەنجەکەیان بۆ پزیشکی داد گواستەوە ، لەمباریەوەش نەقیب سەركەوت ئەحمەد، گوتەبێژی بەڕێوەبەرایەتی پۆلیسی سلێمانی رایگەیاند: كاتێك چووینە شوێنی رووداوەكە بینیمان گەنجەكە فیشەكێك بەسەریەوەیە و دەمانچەكەش لای خۆیەوە كەوتووە. گوتەبێژی بەڕێوەبەرێتی پۆلیسی سلێمانی ئەوەشی راگەیاند: ئەو کورە گەنجە كوردەی جۆی کوشتووە و خەڵكی بیارەیە و لەدایكبووی ساڵی 1980یە و ناوی (ب. ع. م )ە. گوتەبێژی بەڕێوەبەرایەتی پۆلیسی سلێمانی ئاماژەشی بەوەشداوە دوای رووداوەکە، تەرمی گەنجەكە رەوانەی پزیشكی دادی سلێمانی كراوە بۆ دەركەوتنی هۆكار و چۆنیەتی خۆكوشتنەكە و دەستیشگیراوە بەسەر دەمانچەكە دا.
