سه‌نته‌رێ كوردم و شانازم به‌یاننامه‌ك سه‌باره‌ت ره‌فتارا هنده‌ك په‌رله‌مانتاران به‌رامبه‌ر سرودا ئه‌ی ره‌قیب به‌لاڤكر
دهوك/ سه‌باه‌رت بێ رێزیا هنده‌ك ئه‌ندام په‌رله‌مانێن كوردستانێ یێن سه‌ر ب كومه‌لا ئیسلامی ڤه به‌رامبه‌ر سرودا نه‌ته‌وه‌یی یا ئه‌ی ره‌قیب سه‌نته‌رێ كوردم و شانازم یێ نه‌ته‌وه‌یی به‌یاننامه‌ك به‌لاڤكر و تێدا هاتیه :سیمبولێن نه‌ته‌وه‌یی، د كویراتی یا دیرۆك و ناخێ هه‌ر تاكه كه‌سه‌كی دا جه دگرن . له‌وما چ سیمبوله‌ك نه‌شێت ڤی جهێ بلندێ سیمبولا نه‌ته‌وه‌یی بگریت، ئه‌گه‌ر دقۆناغێن سه‌خت و دژوارێن دیروكی یا نه‌ته‌وه‌یی دا ده‌رباز نه‌بیت. سرودا نه‌ته‌وه‌یی یا ئه‌ی ره‌قیب)یا هۆزانڤانێ كورد دلدار د كاودانه‌كێ نازكێ نه‌ته‌وه‌یی و نیشتیمانیدا هاتیه نڤیسین، كۆ ده‌ربرینه‌كا زور كویر و ڤه‌گر ژ ره‌وشا كورد و كوردستانێ و ئیرادا تاكێ كورد دكه‌ت.
ئه‌ڤ سروده لروژا هه‌ڤده‌ی دوازده ل سالا هزار و نه‌ه سه‌د و چل و پێنجێ دگه‌ل بلندكرنا ئێكه‌مین جارا ئالایێ كوردستانێ ل باژێرێ مهاباد وه‌ك سرودا نه‌ته‌وه‌یی هاتیه خاندن.و پێشمه‌رگه ب ڤێ سرودێ هاتنه په‌روه‌رده‌كرن و گیانێ وان ب خاك و گه‌لێ وانڤه گرێدا.ئه‌ندامێ په‌رله‌مانی نوینه‌رێ خه‌لكی یه، نوینه‌رێ نه‌ته‌وه‌و سیمبولێن نه‌ته‌وه‌یی یه ژی ل ده‌ستپێكا كارێ خوه ژی سویندا قانونی دخون كو ڤێ ئێكرێزیێ ب پارێزن .
لێ مخابن ل ئێكه‌م روینشتنا په‌رله‌مانی هنده‌ك ژ په‌رله‌مانتارێن فراكسیونا كومه‌لا ئیسلامی به‌رۆڤاژی ره‌وتا دیروكی، به‌روڤاژی سویندا خوه كو ئێكرێزییا گه‌لێ كورد ب پارێزن، مه‌زنترین و ناڤدارترین سیمبولا نه‌ته‌وه‌ییا كورد كو ئه‌وژی سرودا ئه‌ی ره‌قیبه شكاند و بێ رێزی لێ كر. ئه‌م وه‌كو سه‌نته‌رێ كوردم و شانازم یێ نه‌ته‌وه‌یی، ڤی كار و هزر و ره‌فتارا وان په‌رله‌مانتاران ب توندی ئیدانه دكه‌ین و وێ ب زێده‌گاڤی لسه‌ر حه‌فتێ سالێن خه‌بات و هزاره‌ها شه‌هیدان و پیروزیێن زێده‌تر ژ چل ملیون كوردان دزانین و داخازێ ژ سه‌رجه‌م خه‌لكێ كورد په‌روه‌رێ هه‌ر چوار پارچه‌یێن كوردستانێ دكه‌ین ڤێ بێ رێزیێ په‌سه‌ند نه‌كه‌ن و ل دژی ڤان هزر و ره‌فتاران، هه‌لویستێن نه‌ته‌وه‌یی و نیشتیمانی وه‌ربگرن.
