هێرش کرایه سەر قایمقامیەت و پەیكەری ئەتاتۆرك لە سلۆپی
سلۆپی – KDP.info/چەند كەسێكی نەناسراو بە بۆمبی دەستی هێرشیانكردووەتە سەر بینای قایمقامیەتی سلۆپی و پەیكەری ئەتاتورك لەو شارە.
بەپێی هەواڵێكی (AA) لەئاكامی هێرشێكی بۆمبی بۆ سەر بینای قایمقامیەتی سلۆپی لەپارێزگای شرنەخ، پولیسێك و دوو كەسی مەدەنی بریندار بوون.
پۆلیسی سلۆپی رایگەیاند: نۆ كەس بەتۆمەتی بەشداربوون لەو رووداوە دەستگیركراون و رەوانەی دادگا دەكرێن.
لەلایەكی دیكە هەر لەشاری سلۆپی كەسێكی دەمامكدار بە بۆمبی دەستی، هێرشی كردە سەر دەزگای حكومی و پەیكەری مستەفا كەمال ئاتاتورك لەو شارە، لە ئاكامدا چەند كەسێ بریندار بوون.
هێزەكانی ئاسایش لەشاری سلۆپی رایانگەیاند لەدوای ئەو رووداوانە، كارمەندەكانیان خستووەتە حاڵەتی ئامادەباشییەوە.
