هەولێر: بۆ کوشتنی خاوەنی نووسینگەیەک پۆلیس پێنج کەسی گومان لیکراوی دەستگیر کرد

هەولیر  –  KDP.info/ دوای‌ ئه‌وه‌ی‌ چه‌ند كه‌سێك هه‌ڵیانكوتایه‌ ‌سەری،  ئه‌مڕۆ بەیانی هاووڵاتیه‌ك له‌شاری‌ هه‌ولێر لە نێو ماڵەکەی خۆی کوژرا و پارەو شتە بەنرخەکانی ماڵیشی دزرا و  پۆلیسیش گەیشتنە شوێنی رووداوەکە و پەروای لێکۆلینەوەی کردۆتەوەو دواتریش  پێنج کەسی گومان لێکراویان دەستگیرکرد. سەرچاوەیەکی نزیک لە رووداوەکە بە  KDP.infoراگەیاند: ئەو پیاوەی کە لەلایەن چەند کەسێکەوە کوژراوە.  ناوی‌ سابیر عه‌بدوڵایه‌و له‌دایكبووی‌ 1972 ی هەولێرە و کاری فرۆشتنی خانوو بەرەی کردووە. نووسینگەی هەبووە . رووداوەکەش بەشێوەیەک بووە کە كاتژمێر چواری‌ به‌ره‌به‌یان چه‌ند كه‌سێك له‌ گه‌ڕه‌كی‌ گوڵان 2 له ‌هه‌ولێر  هه‌ڵیانكوتاوه‌ته‌ سه‌ر ماڵی‌ سابیر  عەبدوڵلا و   پێنج فیشه‌كیان  بە گیانی ناوە و  دەست بەجێ کووشتوویانە، وەک سەرچاوەکە رایگەیاندووە : ئەو کەسانەی ماڵەکەیان بریووە پێدەچێت ئامانجیان دزی کردن بووبێت و لە کاتی هەڵاتنیشیان  له‌سه‌ر سه‌ربانی‌ ماڵه‌كه‌دا جانتایه‌ك پاره‌یان به‌جێهێشتووه‌. هاوکات پۆلیسی هەولێر  دەستی  بە لێکۆڵینەوە کردووە و بەهۆیەوەش پێنج کەسی گومانلێکراوی  دەستگیرکردووە ، کە  هەر پێنج کەسەکە بەرەگەز عەرەبن و لە نزیک رووداوەکەوە دەستگیر کراون‌..