75جهێن گشتی لدهوكێ هاتینە دائیخستن وسزادان
دهوك- تایبه‌ت ب KDP.info/ رێڤه‌به‌رییا چاڤدێرییا بازرگانی ل پێنچ شه‌مبیا بۆری د كۆنگره‌یه‌كێ رۆژنامه‌ڤانیدا دیاركر ژهه‌یڤا 1 تا هه‌یڤا 9 ژ ڤێ سالێ رۆژانه بوهایێ فیقی و كه‌سكاتی ژلایێ لیژنه‌كا تایبه‌ت یا چاڤدێرییا بازرگانی هاتییه دانان و لسه‌رجهێن فرۆشتنا وان هاتینه به‌لاڤكرن.
رێڤه‌به‌رێ رێڤه‌به‌رییا چاڤدێریا بازرگانی ل دهۆكێ عه‌بدولا ئیبراهیم بۆKDP.infoگۆت: رۆژانه بهایێ دۆلاری و یورۆی و لیرێ سوری و توركی و تومه‌نێ ئیرانی و بهایێن زێرو زیڤی و بهایێن 59 كه‌ره‌ستێن دی ژلایێ تیمه‌كا رێڤه‌به‌رییا مه‌ڤه ل هه‌یڤێن 1 تا 9 ژ ڤێ سالێ هاتینه ئاماده‌كرن و بۆ جهێن په‌یوه‌ندیدار هاتینه فرێكرن.
دا زانین ژی 360 كه‌ره‌ستێن جودا جودا و بهه‌ڤكاری دگه‌ل سه‌ندیكا ئابووریناسا و كۆلیژا كارگێری و ئابووری ل زانكۆیا دهۆكێ بۆ زانین و پیڤانا رێژه‌یا گرانیێ ل بازاری كار هاتییه كرن و گۆت: دابه‌شكرنا گازوایلێ لسه‌ر سه‌مۆنخانه‌یان (12497808) لێتربووینه، دابه‌شكرنا گازا سپی ل سه‌ر نانپێژیا (11308487)لێتربووینه. یاریۆكێن زاڕۆیان یێن قه‌ده‌غه وه‌كو تڤه‌نگ و مورك و لیزه‌ر (33) دانه و یارێن ئاگری (103821) دانه و قوسك (18) دانه هاتینه ده‌سته‌سه‌ركرن.
ناڤبری ئاماژه ب چه‌ندین جهان ژی كر كو ژبه‌ر زێده‌گاڤییان هاتینه دائێخستن ئه‌و ژی (75) جهـ بووینه، پارێ ژ سه‌رپێچیان هاتیه وه‌رگرتن (32720000دینار) جهێن هاتینه سزادان ژبه‌ر سه‌رپێچیان 674 جهـ بووینه، سه‌ره‌دانا جوانكاریان 124 جاران بوویه، سه‌ردانا بازاری هه‌موو رۆژان. عه‌بدولایی گۆتژی: كه‌ره‌ستێن ده‌م بسه‌رڤه‌چوویی ل مه‌هێن بۆری (375 ته‌ن و 677كگم) هاتنه ده‌سته‌سه‌ركرن و ژناڤبرن.
