پارێزگه‌رێ دهوكێ پێشوازیا كونسلێ ئیتالیا كر
دهوك- تایبه‌ت ب KDP.info/ ته‌مه‌ر ره‌مه‌زان پارێزگه‌رێ دهوكێ پێشوازیا كارمیلو فیكار كونسلێ ئیتالیا ل هه‌رێما كوردستانێ وشانده‌كێ كومپانیێن ئیتالی كر. دهه‌ڤدیتنه‌كێدا ب ئاماده‌بونا رێڤه‌به‌رێ شوینوارێن دهوكێ به‌حسێ په‌یوه‌ندیێن دوو قولی دناڤبه‌را حكومه‌تا ئیتالیا وحكومه‌تا هه‌رێمێ دبیاڤێ ساخله‌میێ وئاڤادانكرن وبه‌رهه‌ئینانێ دا هاته كرن.
دته‌وه‌ره‌كێ دی دا به‌حسێ كومپانیێن ئیتالی ئه‌وێن ل ده‌ڤه‌رێ كارێن ئاڤادانكرنێ دكه‌ن وئه‌و كومپانیێن پشكداریێ دپێشانگه‌هێن نیڤ ده‌وله‌تی دا ل هه‌رێمێ دكه‌ن هاته كرن. پارێزگه‌رێ دهوكێ خوشحالیا ب وان هه‌موو هاریكاریێن حكومه‌تا ئیتالیا ده‌ربرین یێن دوارێ ساخله‌میێ دا پێشكێشی هه‌رێما كوردستانێ دكه‌ن چ ب رێكا هنارتنا تیمێن نوشداری یان ب ره‌وانكرنا زاروكێن نه‌ساخ بو ئیتالیا وچاره‌سه‌ركرنا وان ل وی وه‌لاتی دیسان ده‌ست خوشی ل كومپانیێن ئیتالی كر یێن كاری وبه‌رهه‌مئینانێ ل پارێزگه‌هێ ئه‌نجامده‌ت ودوباره پشته‌ڤانیا كارگێریا پارێزگه‌هێ نیشان دا وسه‌ركه‌فتن بو بو كارێ وان خواست.
