لە ناو فڕۆكەخانەی لۆس ئەنجلۆس كەسێك كوژرا و 6ی دیكەش برینداربوون

ئەمەریكا – KDP.info/ ئاژانسەكانی هەواڵ بڵاویان كردەوە، كە لە ئاكامی دەست رێژی گوللە لە ناو فرۆكەخانەی لۆس ئەنجلۆس لە ئەمەریكا 7 كەس كوژران و برینداربوون.

لەم بارەیەوە پاتریك جانۆن فەرماندەی هێزەكانی پۆلیسی فرۆكەخانەی لۆس ئەنجلۆس لە لێدوانێكدا رایگەیاند: كەسێكی چەكدار لە ناو فرۆكەخانەكە بە شێوەیەكی هەرەمەكی تەقەی لە خەڵكی ناو هۆڵی فرۆكەخانەكە كرد و لە ئاكامدا فەرمانبەرێكی ئیداریی گواستنەوەی فرۆكەخانەكەی كوژراو 6ی دیكەش برینداربوون و پاشان كەسە چەكدارەكە خۆی بریندار كردو دواتر لەلایەن هێزە ئەمنییەكانی فرۆكەخانەكە دەستگیر كرا.