پارێزگه‌رێ دهوكێ پێشوازیا جیف پاول رێڤه‌به‌رێ گشتیێ كومپانیا ماك كیسون یا ئه‌مریكی كر

دهوك-KDP.info/ ئه‌ڤرو ته‌مه‌ر ره‌مه‌زان پارێزگه‌رێ دهوكێ پێشوازیا جیف پاول رێڤه‌به‌رێ گشتیێ كومپانیا ماك كیسون یا ئه‌مریكی یا چێكرنا ده‌رمان و پێدڤیێن نوشداری و شاندێ دگه‌ل دا كر.
د هه‌ڤدیتنه‌كێدا ب ئاماده‌بوونا چه‌ند نوشدارێن ساخله‌میا دهوكێ به‌حسێ ره‌وشا دام و ده‌زگه‌هێن ساخله‌میێ و ئه‌و خزمه‌تا بو نه‌خوشان دهێته‌ پێشكێشكرن هاته‌ كرن.
د ته‌وه‌ره‌كێ دیدا پارێزگه‌رێ دهوكێ به‌حسێ كومپانی و كوالیتیا ده‌رمان و پێدڤیێن نوشداری یێن كومپانیا ناڤبری به‌رهه‌م دئینیت كر.
ژلایێ خوڤه‌ رێڤه‌به‌رێ گشتیێ كومپانیا ماك كیسون دیار كر ئه‌و د ئاماده‌نه‌ به‌رهه‌مێن كومپانیا خو بو ده‌زگه‌هێن ساخله‌میێ ل هه‌رێما كوردستانێ دابینبكه‌ن دیسان دیار كر كو ژبه‌ر بنه‌جه بوونا ئارامیێ ل ده‌ڤه‌رێ ئه‌و دئاماده‌نه‌ تایه‌كێ كومپانیا خو ل هه‌رێما كوردستانێ ئاڤاكه‌ن بو به‌رهه‌مئینانا ده‌رمان وپێدڤیێن نوشداری و ل دویڤ ستانده‌رێن جیهانی و ب كوالیتیه‌كا باش.
ل دویڤ دا پارێزگه‌رێ دهوكێ ته‌ئكید كر كو حكومه‌تا كوردستانێ هه‌می پشته‌ڤانیه‌كێ بو بجه ئینانا پروژێن ساخله‌میێ و ده‌زگه‌هێن ساخله‌میێ نیشان دا.
هه‌ژی گوتنێ یه‌ كو سه‌د و هه‌شتێ ساله‌ ماك كیسون یا ئه‌مریكی هاتیه‌ ئاڤاكرن و ده‌رمان و پێدڤیێن نوشداری به‌رهه‌م دئینیت.