كومپانییه‌كا ئیتالی لێزه‌ر سكان بۆ پرا ده‌لال لزاخو ئه‌نجام دایه‌

زاخو-تایبەت ب  KDP.info/ پشتی كو پرا ده‌لال یا كه‌ڤنار و دیروكی ل ده‌ڤه‌را زاخو كه‌فتیه‌ لژێر مه‌ترسیێ دا و سیمایێ وێ هاتیه‌ گوهارتن و به‌ره‌ف خراببونێ ڤه‌ چوویی رێڤه‌به‌ریا شوینوارێن پارێزگه‌ها دهوكێ گرێبه‌سته‌ك دگه‌ل كومپانیا تیرئان یا ئیتالی گرێدایه‌ بو سه‌خبێركرنا پرا ناڤبری و كومپاینا ئیتالی كارێ لیزه‌ر سكان یا كو جهێن دیروكی پێ دهێنه‌ تاقیكرن لسه‌رپرا ده‌لال ئه‌نجامدایه.‌

رێڤه‌به‌رێ بنگه‌هێ شینوارێن قه‌زا زاخۆ دیاركر كو پرۆژه‌یێ پرا ده‌لال ب شێوه‌یه‌كێ راسته‌وخۆ دهێته‌ ئه‌نجام دان ژ لایێ رێڤه‌به‌ریا گشتی یا شینوارێن هه‌رێما كوردستانێ و رێڤه‌به‌ریا شینوارێن پارێزگه‌ها دهۆكێ ڤه‌ دگه‌ل بنگه‌هێ شینوارێن زاخۆ و بۆ ئێكه‌م قوناغ كومپانیا(TERR.A.IN) یا ئیتالی (لێزه‌ر سكان) بۆ پرا ده‌لال ئه‌نجام دایه.

محه‌مه‌د ئه‌حمه‌د رێڤه‌به‌رێ بنگه‌هێ شینوارێن زاخۆ خۆیاكر كو لیزه‌ر سكان ئامیره‌كێ هه‌ره پێشكه‌فتیێ ئه‌لیكترۆنی یه‌ بۆ دیاركرنا هه‌می داتایێن پرا ده‌لال ب شێوه‌یه‌كێ زانستی و دروستكرنا نه‌خشێن 3D بۆ پرێ و پشكنینا هه‌می به‌رێن پرا ده‌لال هاتینه‌ كرن.

رێڤه‌به‌رێ شینوارێن زاخۆ گۆت ژی كو ئه‌ڤ قوناغه‌ بۆ ماوێ دوو هه‌یڤا دێ ڤه‌كێشیت و نوكه‌ (لیزه‌ر سكان) بۆ پرا ده‌لال هاته‌ كرن بتنێ كارێ ئوفیسی یێ مایی ئه‌و ژی ل ئیتالیا ژ لایێ كومپانیا ناڤهاتی ڤه‌ دێ هێته ئه‌نجام دان.