نوری مالكی داوای بەپەلەی چەكی هێرشبەر لە ئەمەریكا دەكات
نوری مالكی سەرۆك وەزیرانی عێراق بەر لە ئەنجامدانی گەشتەكەی بۆ ئەمەریكا لە فرۆكەخانەی نێودەوڵەتی بەغدا جەختی كردەوە كە داوا لە لایەنی ئەمەریكی دەكات كە پەلە بكات لە پێدانی چەكی هێرشبەر بە عێراق بەمەبەستی بنبڕكردن و لەناوبردنی گروپە تیرۆریستییەكان .
لە كۆنگرەیەكی رۆژنامەوانیدا مالكی روونیكردەوە كە وتوویچژەكانمان لە گەڵ ئەمەریكا زیاتر جەتكردنەوە دەبێت لە سەر هاوكاری ئەمنی. كۆبوونەوەی لێژنەی بالای ئەمنی هاوبەش لەنێ،ان هەر دوو وڵات تەئكید لە سەر یارمەتی دانی عێراق دەكاتەوە كە چەكی هێرشبەر بدرێت بە عێراق بۆ لەناوبردنی رێكخراوە تیرۆریستییەكان .
سەرۆك وەزیرانی عێراق راشیگەیاند كە داواكارییەكانمان تەنها لە چوارچێوەی فرۆكەی ئێف شازدە نابێت بەڵكو هەلیكۆپتەرو هەموو ئەو پێداویستیانە دەبیچت كە دەكەونە چوارچێوەی نەهێشتنی گروپە چەكدارییەكان . مالكی روونیشیكردەوە كە دۆسیەی تیرۆر یەكێك لەو دۆسیانە دەبێت كە لە گەڵ بەرپرسانی ئەمەریكا تاوتۆی دەكات جگە لە دۆسیەی سوریا و كاردانەوەكانی .
شایانی باسە بڕیار وایە مالكی لە یەكی مانگی داهاتوو چاوی بە باراك ئۆبامای سەرۆكی ئەمەریكا بكەوێت . لەو گەشتەی مالكی بۆ ئەمەریكا هەر یەك لە وشیار زێباری وەزیری دەرەوەو سەعدون دلێمی وەزیری بەرگری بە وەكالەت و فالح فەیاز راوێژكاری ئاسایشی نیشتیمانی یاوەری بوون .
