پرۆفەسۆر مەتین هولاگو: "ل بەرێ كو ترك بچن ئانادۆلیێ گەلێ كورد د ڤێ ئەردنیگاریێ دە هەبوون"

تركیە/KDP.info - سەرۆكێ سازیا دیرۆكا كورد پرۆفەسۆر مەتین هولاگو، د هەڤپەیڤینەكی خوە یا رۆژنابەیا بوكون یا تركی دە ئەشكەرە كر كو، گەلێ كورد، بەرێ كو ترك بهێن ئانادۆلیێ، كورد د ڤێ ئەردنیگاریێ دە هەبوون، د هەمان دەم دە گەلێ كورد پارچەیەكن ڤی دیركێن و حاشاییكرنا راستیا گەلێ كورد نە واتەدارە. پرۆفەسۆر مەتین هولاگو دا زانین كو، مەها یەك یا سالا 2014 دێ ب ناڤێ "د دیرۆكێ دە كورد و ترك" جڤینەك سار بكن و وەها گۆت: "دبیت مە هن تشت نەدیتبیت و بەرچاڤ نەگرتبیت، لێ نابە حاشاییا هن بوویەران بكن. گەر راستیەكە ترك هەبە، راستیەكە كورد ژی هەیە و نكارن حاشایی بكن. دەما ئەم ترك د ئالا 1071ـئێ هاتین ئانادۆلیێ، لێرە كورد ژی هەبوون. دەما ئەم دیرۆكا كورد و تركان دنێرین، دبینین كو گەلەك خالێن هەڤپار هەنە. د دەما تێكۆشینا نەتەوی دە كورد و ترك ل چەنەققەلە ب هەڤرە بوون. دەما بووینە دەولەتەكی نەتەوە مە نەتەوەیێن دن ژبیر كر". ل سەر پرسا، "گەلۆ دیرۆكا كوردان هەیە" پرۆفەسۆر مەتین هولاگو گۆت: "هەلبەت دیرۆكا كوردان هەیە. گەر كورد هەیە دیرۆكان وان ژی هەیە، لێ كیم و زۆر ئەو تشتەكی جودایە. دەما كو پێشی ئەم هاتین ئانادۆلیێ و كورد ل ڤێ دەرێ هەبن، هەلبەت دیرۆكا وان ژی هەیە."