پارێزگه‌رێ دهوكێ وبالیوزێ رومانیا ته‌كه‌زیێ ل سه‌ر خورتكرنا په‌یوه‌ندیان دكه‌ن
دهوك-KDP.info/ ئه‌ڤرو ته‌مه‌ر ره‌مه‌زان پارێزگه‌رێ دهوكێ پێشوازیا (ئایكوب پرادا ) بالیوزێ رومانیا ل عیراقێ كر.
د هه‌ڤدیتنه‌كێدا به‌حسێ ره‌وشا ده‌ڤه‌رێ و په‌یوه‌ندیێن دوو قولی دناڤبه‌را هه‌رێما كوردستانێ و وه‌لاتێ رومانیا بگشتی و په‌یوه‌ندیێن هه‌رێما ئاراد و پارێزگه‌ها دهوكێ ب تایبه‌تی و رولێ كومپانیێن رومانی د ئاڤاكرن و به‌رهه‌مئینانێ دا هاته كرن.
د ته‌وه‌ره‌كێ دیدا به‌حسێ شیانێن كومپانیێن رومانی د بیاڤی دانانا هێلا ترامایێ دا ل دهوكێ و پارێزگه‌هێن دی یێن هه‌رێمێ هاته كرن و هه‌ردوو لا ته‌ئكید ل سه‌ر خورتكرنا په‌یوه‌ندیێن بازرگانی و ئابوری و گشتی هاته كرن .
