د حه‌فتیه‌كی دا 42،000 گه‌شتیار ب رێیا خالا سنوری یا ئیبراهیم خه‌لیل هاتینه كوردستانێ
زاخو/ د پرێس كونفرانسه‌كی دا چیا ئه‌مین رێڤه‌به‌رێ گه‌شت و گۆزارێ ل زاخۆ خۆیاكر كو بۆ رۆژانێن جه‌ژنێ هه‌ر ژ 12-19ی تشرینا ئێكه‌م یا سالا 2013ێ 42000 گه‌شتیار ب رێیا خالا سنوری یا ئیبراهیم خه‌لیل ده‌ربازی كوردستانێ بووینه.
چیا ئه‌مین رێڤه‌به‌رێ گه‌شت و گۆزارێ ل زاخۆ راگه‌هاند كو هه‌ر ژ 12-19ی ڤێ مه‌هێ 42000 گه‌شتیار ب رێیا خالا سنوری یا ئیبراهیم خه‌لیل هاتینه ناڤ ئاخا هه‌رێما كوردستانێ دا ب مه‌ره‌ما گه‌شتكرنێ و ل زالگه‌ها زاخۆ ژی 6743 گه‌شتیارێن ئاكنجیێن ده‌ڤه‌رێن ناڤه‌راست و ژووریا عێراقێ هاتینه باژێرێ زاخۆ.
رێڤه‌به‌رێ گه‌شت و گۆزارێ ل زاخۆ خۆیاكر ژی كو رێژه‌یا گه‌شتیاران ل چاڤ پارسال د جه‌ژنا قوربانێ دا زێده‌بوویه و گۆت: بۆ جه‌ژنا قوربانیا پارسال 28890 گه‌شتیار ب رێیا خالا سنوری یا ئیبراهیم خه‌لیل هاتینه كوردستانێ و 11108گه‌شتیارێن عه‌ره‌ب ژ ناڤه‌راست و ژووریا عێراقێ هاتینه زاخۆ ب رێیا زالگه‌ها زاخۆ كو هاتنا گه‌شتیاران ب به‌راوردی دگه‌ل پارسال بۆ جه‌ژنا قوربانیا ب رێژه‌یا 17% زێده‌بوویه لێ گه‌ر به‌راوردی جه‌ژنا ره‌مه‌زانێ بكه‌ین رێژه‌یا هاتنا گه‌شتیاران كێمتر بوویه ژبه‌ركو ره‌وشا سه‌قایی هاتیه گوهارتن كو ساربوویه و ده‌رگه‌هێن خواندنگه‌هان ژی ب فه‌رمی هاتینه ڤه‌كرن.
