د. حەمید دەربەندی: جارێ ساڵح موسلیم با بچێت خۆی فێری تەربیەت بكات؛ ئینجا داوای هاتنی بۆ باشوور بكات
لە روونكرنەوەیەك دا سەبارەت بە لێدوانەكانی سالح موسلیم هاوسەرۆكی پەیەدە دكتۆر حەمید دەربەندی بەرپرسی پەیوەندی گشتی سەرۆكاتی هەرێمی كوردستان و بەرپرسی دوسێی سوریا بۆ كوردستان تی ڤی رایگەیاند كە بەر لە چەند رۆژێك لە گرتەیەكی ڤیدیۆیی دا ساڵح موسلیم هاوسەرۆكی پەیەدە دەڵێ ( باشور بێ تەربیەتە و ئێمە تەربیەتیان دەدەین)، دوای ئەو هەموو چاكە و رێزەی لە باشور لە سالح موسلیم نرا، كەچی ئەمە وەڵامی ئەو بەرێزەیە بۆ چاكەكانی باشور لەبەرمبەری دا، بۆیە دەلێن جارێ سالح موسلیم با بچێت خۆی فێری تەربیەت بكات، ئینجا داوای هاتنی بۆ باشور بكات.
