ماموستایەك دناڤا مالەكێ دا ل ئاكری دهیتە كوشتن

 

ئاكرێ - تایبه‌ت ب KDP.info/ شەڤا دەرباز بوی ل گوندی بامشمش سەر ب ناحیا دینارتی ڤە ل قەزا ئاكرێ دناڤا مالەكێ دا ماموستایەك دهێتە كوشتن وتاوانبار ژی دهێتە دەستەسەركرن .

دڤێ دەرباری دا شەوكەت سلیمان رێڤەبەرێ پولیسێن قەزا ئاكرێ بو kdp.infoدیاركر كو ئەم شڤیدی هاتینە ئاگەهداركرن كو كەسەك دناڤا مالەكێ دا ل گوندێ بامشمش هاتیە كوشتن وئەم ژی دگەل دادوەرێ ڤەكولینی گەهشتینە جهی رویدانی ودیاربوویە كو كەسەك كو ماموستایە چوویە مالەكێ ل گوندێ بامشمش و ئەو ژی دگەل خودانێ مالێ بشەرە دەڤ چووینە و خودانێ مالێ ژی تشتەك لسەرێ دایە وگیانێ خوە ژ دەست دایە .

دیسان ناڤبری دیاركر كو ئەو كەس ماموستایە لناحیا گردەسینێ وخەلكێ هەڤلیری یە وتەمەنی وی 25 سالن وئاشكەرا ژی كر كو تاوانبار هاتیە دەستەسەركرن ونها ڤەكولین یا بەردەوامە ژبوی زانینا ئەگەرێ كوشتنا ماموستای وتەرمی وی ژی هاتیە رەوانەكرن بو پزیشكا داد ل دهوكێ .