حكوومه‌تا ئیتالیا بۆ ده‌مێ‌ ساله‌كێ‌ دێ‌ پشته‌ڤانیا ساخله‌میا دهۆكێ‌ كه‌ت

دهوك- تایبه‌ت ب KDP.info/ ژپێخه‌مه‌ت دارشتنا پلانێن ستراتیژی بۆ رێڤه‌به‌ریا گشتی یا ساخله‌میا پارێزگه‌ها دهۆكێ‌، رێكخراوا AISPOیا ئیتالی و زانكۆیا سه‌ساری ب پشته‌ڤانیا دراڤی یا حكوومه‌تا ئیتالیا بۆ ده‌مێ‌ ساله‌كێ‌ دێ‌ پشته‌ڤانیێ‌ ل ساخله‌میا دهۆكێ‌ كه‌ن.
د.نزار عصمه‌ت، رێڤه‌به‌رێ‌ گشتیێ‌ ساخله‌میا پارێزگه‌ها دهۆكێ‌ ل رۆژا 20/10/2013 كۆمبوونه‌ك ل گه‌ل شاندێ‌ رێكخراوا ناڤبری سازكر و د كۆمبوونێ‌ دا به‌حسێ‌ چاوانیا ئاراسته‌كرنا پشته‌ڤانیێ‌ هاته‌ كرن و گۆت: شاندێ‌ رێكخراواAISPOبۆ ده‌مێ‌ ساله‌كێ‌ دێ‌ كار ل گه‌ل رێڤه‌به‌ریا گشتی یا ساخله‌میا پارێزگه‌ها دهۆكێ‌ كه‌ن، و ژپێخه‌مه‌ت بهێزكرنا شیانێن كارمه‌ندان دوارێن نه‌خشه‌دانان و پلاندانانێ‌ دا ل گه‌ل چاوانیا چاڤدیرَیا دایك و زارۆیان ل ده‌زگه‌هێن ساخله‌میێ‌ و خزمه‌تێن ل به‌نكا خوینێ‌ دهێنه‌ پێشكێشكرن دێ‌ كه‌ڤنه‌ كاری.
رێڤه‌به‌رێ‌ گشتیێ‌ ساخله‌میا پارێزگه‌ها دهۆكێ‌ ئه‌وژی دیاركر كو دماوێ‌ ساله‌كێ‌ دا چه‌ندین بسپور و شاره‌زایێن وه‌لاتێ‌ ئیتالیا دێ‌ سه‌ره‌دانا پارێزگه‌ها دهۆكێ‌ كه‌ن و دیسا چه‌ند كارمه‌ند و نوشدارێن دهۆكێ‌ ژی دێ‌ چنه‌ وه‌لاتێ‌ ئیتالیا ژ پێخه‌مه‌ت بجهئینانا ئارمانجا ناڤبری