نوێنەرێكی كورد: کێشەی نەوت و غازی نێوان ھەرێم و بەغدا و ھەندێ پارێزگای دیکە گەورەترین کێشەی کوتلە سیاسییەکانە
ئەندامێکی ھاوپەیمانی کوردستانی لە ئەنجوومەنی نوێنەرانی عێراق رایگەیاند, کێشەی نەوت و غازی نێوان حکومەتی ھەرێم و حکومەتی ناوەند گەورەترین کێشەیە لە نێوان کوتلە سیاسییەکان, بۆیە داوا دەکەم بە شێوەیەکی یاسایی و دەستووری چارەسەر بکرێت.
شوان محەمەد تەھا ئەندامی ئەنجوومەنی نوێنەرانی عێراق لە ھاوپەیمانی کوردستانی لە لێدوانێکدا بە سۆمەرییە نیوزی راگەیاند: کێشەی نەوت و غازی نێوان حکومەتی ناوەند و حکومەتی ھەرێمی و ھەندێ پارێزگای دیکە گەورەترین کێشەیە لە نێوان کوتلە سیاسییەکان.
تەھا وتیشی: کێشەی گەورە لەوەدایە شەھرستانی و وەزارەتی نەوتی عێراق ھەموو کات حکومەتی ھەرێمی تاوانبار دەکەن, ئەمەش کێشەکان چارەسەر ناکات , بەڵکو دەبێت لە رێگەی دەستوور و یاساوە کێشەکان چارەسەر بکرێت.
