دانوستانەكانی ئەتۆمی ئێران گەشبینیی هەردوولای بەدواوەی بووە
ژنێف – KDP.INFO/ چوارەمین دانوستانی نوێنەرانی ئێران و گروپی (5+1) ژنێڤ كۆتایی هات و لە كۆتایشدا بەیاننامەیەكی هاوبەشیان بڵاوكردەوە و هەردوولا گەشبینی خۆیان بە ئەنجامی دانوستانەكان بەرچاوكرد.
هەروەها دوای كۆبوونەوەكەش كاترین ئاشتۆن بەرپرسی سیاسەتی دەرەوەی یەكێتی ئەوروپا و محەمەد جەواد زەریف وەزیری دەرەوەی ئێران لە كۆنگرەیەكی رۆژنامەوانیدا خۆشحاڵی خۆیان بە ئەنجامەكانی كۆبوونەوەكە دەربڕی.
لەبەیاننامەی كۆتایی كۆبوونەوەی ئێران و گروپی (5+1) دا هاتووە؛ لایەنی ئێران هەموو پێشنیازێكیان خستەڕوو كە بۆوە جێگەی رەزامەندی گروپی ولاتە زڵهێزەكان.
بەپێی بەیاننامەكەدا لایەنی ئێرانی لەسەر ئەوە رازی بوون، كە شارەزایانی ئەتۆمی زانستی و كاروباری قەیرانەكانی ولاتانی زڵهێز و ئێران و نوێنەرانی وڵاتە زڵهێزەكان بەر لە دانیشتنی داهاتوودا هەنگاوی پراكتیكی بنێن.
هەروەها لە بەیاننامەكەدا هاتووە كە لە بڕی ناونیشانی گروپی (5+1) دەستەواژەی E3+EU3بەكاربهێنرێت.
لەلایەن خۆشیانەوە دیبلۆماتكارانی رۆژئاوا دوای كۆتایهاتنی دانوستانەكانی ئەتۆمی گەشبینی خۆیان بە بەردەوامی دانوستان بۆ گەیشتن بە رێگە چارەیەكی گونجاو بۆ چارەسەركردنی دۆسیەی ئەتۆتی ئێران دەربڕی.
