بنگه‌هه‌كێ به‌ره‌ڤانییا باژێڕی ل سه‌نته‌رێ ناوچه‌یا دێره‌لۆكێ هاته ڤه‌كرن
دیرەلوك-تایبەت ب KDP.info/ ب ئارمانجا پتر گرنگیدان ب وه‌لاتیێن ناوچه‌یا دێره‌لۆك و زێده‌تر خزمه‌تكرنا خه‌لكێ ڤێ ناوچه‌یێ د هه‌موو بیاڤان دا، بنگه‌هه‌كێ به‌ره‌ڤانیا باژاری ل سه‌نته‌رێ ناوچه‌یا دێره‌لۆك هاته ڤه‌كرن.
هه‌ر دڤی واری دا، به‌همه‌ن ئه‌حمه‌د رێڤه‌به‌رێ ناوچه‌یا دێره‌لۆكبو kdp.infoدیاركر، ڤه‌كرنا بنگه‌هێ به‌ره‌ڤانیا باژاری ل سه‌نته‌رێ ناوچه‌یا دێره‌لۆك بگرنگ دا زانین و بۆ روژنامه‌یا وار خویاكر، ڤه‌كرنا بنگه‌هێ ئاگرڤه‌مراندنێ، دێ خزمه‌ته‌كا باش پێشكێشی وه‌لاتی و خه‌لكێ سه‌نته‌رێ ناوچه‌یا دێره‌لۆكێ كه‌ت، هه‌روه‌ها ڤه‌كرنا ڤی بنگه‌هی، دێ رۆله‌كێ ئه‌رێنی وكاریگه‌ر هه‌بیت بتایبه‌ت ژی، د كێمكرنا وان زیانان ئه‌وێن ژ ئه‌نجامێ روودانێن ئاگربه‌ربوونێ ل سه‌نته‌رێ ناوچه‌یا دێره‌لۆك و ده‌وروبه‌ر په‌یدا دبن و گۆت، سوپاسیا هه‌موو لایه‌ن و ئالیێن په‌یوه‌ندیدار ژی دكه‌ین، كۆ رۆل د ڤه‌كرنا ڤی بنگه‌هی دا هه‌بوویه و ئاشكرا ژی كر، نها ئه‌ڤ بنگه‌هێ ئاگرڤه‌مراندنێ، كه‌فتییه د خزمه‌تا وه‌لاتیێن سه‌نته‌رێ ناوچه‌یا دێره‌لۆك و ده‌وروبه‌ر دا.
