شانده‌كه كوردێن ئێزیدی و شانده‌كه زانایێن ئۆلا ئیسلامێ سه‌رى ل مه‌زارێ نه‌مران ل بارزانێ خستن
د به‌رده‌واما سه‌ردانا ته‌خ و جونێن جدا یێن كوردستان و ده‌ڤه‌رى كوردستانێ ده ژبۆ سه‌ر مه‌زارێ نه‌مران ل بارزانێ؛ ئیرۆ شانده‌كه كوردێن ئێزیدی یێن كۆمه‌لگه‌ها شاریا و شانده‌كه زانایێن ئۆلا ئیسلامێ یێن باژێرێ هه‌ولێر و ده‌ردورێن وێ ب سه‌رۆكاتیا شێخ نیاز راغب دیگه‌له‌یى به‌پرسیارێ لقا هه‌ولێرێ یا یه‌كێتیا زانایێن ئیسلامێ ل كوردستانێ ب ئاواكى جدا سه‌رى ل مه‌زارێ نه‌مران ل بارزانێ خستن و ته‌ڤى گه‌هشتنێ ژى ژبال شێخ عه‌بدولا بارزانی نونه‌رێ سه‌رۆك بارزانی ڤه هاتنه پێشوازیكرن.
د رێوره‌سما سه‌ره‌دانێ ده شاندێن هان ته‌ڤى دانینا قه‌فتێن گولان لسه‌ر تربا نه‌مران و خواندنا سوره‌تا فاتیحێ؛ هه‌روه‌ها هن په‌یڤ ژبال وانا ڤه هاتنه پێشكێشكرن و تێده بال كشاندن سه‌ر رۆل و ته‌كۆشین و خه‌بتینا نه‌مران د قۆناخێن جدا یێن ته‌ڤگه‌را رزگاریخوازا گه‌لێ كوردستانێ ده و بده‌ستخستى یێن ئیرۆ ژى ژبۆ خه‌بتین و خوینا نه‌مران و هه‌موو شه‌هیدێن كورد و كوردستانێ ڤه‌گه‌راندن.
