پروژێ هشیاركرنا ساخله‌میێ ب رێكا ده‌زگه‌هێن په‌روه‌ردێ لدهوكێ دهیتە جیبەجیكرن
دهوك-KDP.info/ گرنگیدان ب كه‌رتێ په ر‌وه‌ردێ ب رێكا ساخله‌میێ و به‌رزكرنا ئاستێ هشیاریێ برێكا ده‌زگه‌هێن په‌روه‌ردێ ژ پروگرامێن زانستیێن سه‌رده‌مانه‌یه،رێڤه‌به‌ریا گشتی ساخله‌میا پارێزگه‌ها دهوكێ دگه‌ل ریڤه‌به‌ریا گشتی په‌روه‌ردێ ل پارێزگه‌ها دهوكێ ب هه‌ڤكاری دگه‌ل رێكخراوا(H.A.E) رابوینه ب سازدانا خولێن تایبه‌ت بو ماموستایێن سه‌ر ب رێڤه‌به‌ریا په‌روه‌ردا پارێزگه‌ها دهوكێ.
هاڤین حاجیماموستا دبێژیت : ئه‌ڤه روژا ئێكێیه ژ ده‌ستپێكرنا پروژێ هشیاركرنا ساخله‌میێ برێكا كه‌رتێ په‌روه‌ردێ، بو ماموستایێن روژ ئاڤا و روژ هه‌لات و 260 ماموستا به‌شدار بوینه هه‌روه‌سا بو ماوێ 5 روژا دێ ڤه‌كێشیت، شلوڤه‌كرنا 5 بابه‌تێن ساخله‌میێ یێن گرێدای ب ژیانا روژانه یا مروڤی ڤه و پێزانینێن زور گرنگ تێدا هه‌نه هه‌تا ئه‌ڤ ماموستانه ببنه وه‌ك پره‌كێ دناڤبه‌را مه و قوتابیان و ئه‌و پێزانین رێكا وان بگه‌هنه قوتابیا و ب رێكا قوتابیا بگه‌نه‌هه‌می ئه‌ندامێن خێزانان داكو هه‌می جڤاك بێ به‌هر نه‌بن ژ ره‌وشه‌نبیریا ساخله‌میێ.
د. نورالدین عبدالله گوت : مه‌ره‌ما سه‌ره‌كی ژ ڤی پروگرامه‌ی ئه‌وه ئه‌م هنده ك ماموستا به‌رهه‌ڤ بكه‌ین ببنه وه‌ك راهێنه‌ر بو قوتابخانێن خو ئه‌وان پێزانینا بگه‌هینه قوتابیێن خو،بابه‌تێن هه‌ره گرنگ وه‌ك ساخله‌میا قوتابی كو ئه‌ڤ بابه‌ته دێ هێنه شلوڤه‌كرن ل ڤان راهێنانان، داكو بزانین ئاستێ زانستی یێ چه‌ند پێشكه‌ڤتنێ بخوڤه دگریت، ئه‌ڤ چه‌نده دێ هێته ئه‌نجامدان برێكا رامالینه‌كێ ل ئه‌وان قوتابخانا ب شێوه‌كی كو ئه‌م نمونه‌كێ ژێ وه‌رگرین كا چه‌ند گوهورین ل ئاستێ زانستی تێدا چێبویه، هه‌روه‌سا رێكێن خواندنێ و خوراكی و ساخله‌میا ده‌ڤ و ددانا و ژینگه‌ها ساخله‌م.
به‌شداره‌ك ئاماژه دایه خولێ بڤی ره‌نگی : ئه‌م رێژه‌كا ماموسایێن جودا جودا به‌شداری ڤی پروگرامی بوینه داكو ئاستی زانستیا ساخله‌میێ ل جه‌م مه پێشبكه‌ڤیت و ئه‌م ئه‌ڤان پێزانینا ب رێكا خو ڤه‌گوهێزین بو قوتابێن خو،هه‌ر ئێك ژ مه ب ره‌گڤه‌دانه‌كا باش و ئه‌و قوتابی مفای ژێ وه‌رگرن،هه‌روه‌سا ئه‌و گرێ و ئالوزێن دناڤ قوتابخانێدا بهێنه چاره‌كرن.
