بەهۆی دوو تەقینەوە لە گوندێكی ناحیه‌ی عیازییه‌ دەیان قوتابی شەهید و برینداربوون

تەلەعفەر – تایبەت بە KDP.info/ سەرلەبەیانی ئەمڕۆ دوو كردەی تیرۆریستی لە گوندێكی سەر بە ناحیەی عیازییەی تەلعەفەر روویاندا و لە ئەنجامدا دەیان قوتابی شەهید و برینداربوون. لەمبارەیەوە سەرچاوەیەكی ئەمنی لە ناوچەكە بە kdp.infoی راگەیاند كە تەقینەوەی یەكەمیان لە قوتابخانەیەكی سەرەتایی لە گوندێكی سەر بە ناحیەی عیازییەی قەزای تەلەعفەر لە دانیشتووانەكەی شیعە مەزهەبن روویدا و تا ئێستا بە هۆیەوە 20 قوتابی شەهید و 50ی دیكەش برینداربوون . هەروەها سەرچاوەكە راشیگەیاند كە لە تەقینەوەیەكی دیكەشدا كە بنكەیەكی پۆلیسی كردۆتە ئامانج 5 پۆلیس شەهید بوون و ژمارەیەكی دیكەش برینداربوون.