بڕیارە سبەی ناوی مامۆستایان بۆ دامەزراند رابگەیندرێت
ھەولێر-تایبەت بەKDP.info/ بەرێوبەری ئاماری ھەولێر ئاشکرایکرد، بریارە سبەی ناوی مامۆستایانی سنوری ھەولێر بۆ دامەزراندن رابگەیندرێت و ئەولەویەتیش بۆ دەرچوانی کۆلیژی پەروەردە و بونیاتە.
حوسێن کاکل بەرێوبەری ئاماری ھەولێر بەkdp.infoراگەیاند: بڕیارە سبەی ناوی مامۆستایانی سنوری ھەولێر بۆ دامەزراندن رابگەیندرێت، ئەگەر ھیچ گرفتێک نەبێت، بەڵام ئەگەر نەتوانرا ده‌کەوێتە رۆژی دووشەممە.
حوسێن کاکل گوتیشی: بڕیارە سبەی بەرێوبەری پەروەردەی ھەولێر سەردانیان بکات، بۆئەوەی ناوی مامۆستایانیان رادەست بکەن بۆ راگەیاندنی.
حوسێن کاک راشیگەیاند: ئەولەویەت بۆ دەرچوانی ناو قەزاکانە تایبەت دەرچوانی کولیژی پەروەردە و بونیات، چونکە تاوەکو دەرچوانی ئەم دوو کۆلیژە ھەبێت ئەوانەی تر نابنە مامۆستا.
بڕیارە بۆ ئەمساڵ نزیکەی ھەزار مامۆستا لەسنوری ھەولێر لەسەر میلاکی وەزارەتی پەروەردە دابمەزرێن.
