ئیمزاكرنا گرێبه‌ستا ئاڤاكرنا نه‌خوشخانه‌یا په‌نجه‌شێرێ
دهوك- تایبه‌ت ب KDP.info/ ژبۆ پتر پێشڤه‌برنا ئاستێ ساخله‌میێ ل هه‌رێما كوردستانێ و پارێزگه‌ها دهوكێ ب تایبه‌تی دوهی ل رێڤه‌به‌ریا گشتی یا ساخله‌میا دهوكێ ئیمزاكرناگریبه‌ستا ئاڤاكرنا نه‌خوشخانه‌یه‌كا تایبه‌ت ب نه‌خوشێن په‌نجه‌شێرێ ڤه ل دهوكێ هاته كرن.
د.نزار عصمه‌ت،رێڤه‌به‌رێ گشتی ساخله‌میا پارێزگه‌ها دهوكێ دیار كر: خوشحالین ئه‌ڤرو رێكه‌فتنا دناڤبه‌را وه‌زاره‌تا ساخله‌میا حكومه‌تا هه‌رێما كوردستانێ و كومپانیا (شانی كودی تانكو ) هاته ئیمزا كرن بۆ ئاڤاكرنا نه‌خوشخانه‌یا په‌نجه‌شێرێ ل پارێزگه‌ها دهوكێ و گوت: ئه‌ڤه ئێك ژ پێدڤیێت پارێزگه‌ها دهوكێ بوویه بۆ ئاڤاكرنا نه‌خوشخانه‌یه‌كا تایبه‌ت ب نه‌خوشێن په‌نجه‌شێرێ ڤه كو زێده‌تر خزمه‌تا ڤان نه‌خوشان بهێته كرن.
د.نزار عصمه‌ت گوت ژی : ئه‌ڤ نه‌خوشخانه ژ سه‌د ته‌خته‌یان پێك دهێت و بۆ ده‌مێ دوو سال و نیڤا دێ ب دوماهیك هێت وكوژمێ 47 ملیار دینارا بۆ ڤی پروژه‌ی هاتیه ته‌خارن كرن.
