سەعدون: بە رەسمی لە كشانەوەی رەوتی سەدر لە پرسی لێپرسینەوە و وەرگرتنەوەی متمانە لە مالیكی ئاگەدار نەكراوینەتەوە
ئەندامی لیستی هاوپەیمانیی كوردستان لە پەرلەمانی عێراق موحسین سەعدون رایدەگەێنێت موقتەدا سەدر سەركردەی رەوتی سەدر بە رەسمی لیستەكەی لە كشانەوە لە لایەنگرانی وەرگرتنەوەی متمانە لە نووری مالیكی سەرۆك وەزیرانی عێراق ئاگەدار نەكردووەتەوە.
موحسین سەعدون ئەندامی لیستی هاوپەیمانی كوردستان لە ئەنجومەنی نوێنەرانی عێراق بە ئاژانسی كوردستان بۆ دەنگوباسی راگەیاندووە: تا ئێستا بە رەسمی لە كشانەوەی رەوتی سەدر لە پرسی لێپرسینەوە و وەرگرتنەوەی متمانە لە مالیكی ئاگەدار نەكراوینەتەوە.
سەعدون ئاماژەی بەوەشكرد: رەوتی سەدر چەندان جار دووبارەی كردووەتەوە كە هەڵوێستی لەو بارەوە جێگیرە بە ئامادەیی 40 دەنگی پەرلەمانتارانی ئەگەر لایەنەكانی تر توانیان 124 دەنگ بۆ تێپەڕاندنی پرسەكە لە پەرلەماندا ئامادە بكەن.
گوتیشی، رۆژانی داهاتوو ئەو بابەتە ئاشكرا دەكەن و ئێمەش چاودێریی رووداوەكان دەكەین.
