نووسەرانی رۆژنامەی زەمان سەبارەت بە پاكێجی دیموكراتیبوونی توركیا بیروڕای جیاوازیان هەیە
ئەستەنبۆڵ- KDP.INFo / وەكو رۆژنامەنووس و نووسەرانی دیكەی توركیا هەر سێ نووسەری ناوداری رۆژنامەی زمانی توركیاش هەڵوێستی خۆیان لە بەرامبەر پاكێجی دیموكراتیبوونی توركیا دەربڕیوە.
لەمبارەیەوە ئەتیەن مەحچوپیان راگەیاندووە كە ئەم پاكێجە بۆ بارودۆخی هەنۆكەیی توركیا باشە و دەتوانێت بارودۆخی هەنۆكەیی دیموكراتیزە بكات.
لە بەرامبەریشدا عەلی بوڵاچ ئاماژەی بەوە كردووە كە خاڵەكانی نێو پاكێجی دیموكراتیبوون ئەوە دەسەلمێنن كە تورکیا پێویستی زۆر بە پەلە بە دەستورێكی نوێی دیموكراتیك و سەردەمییانە هەیە.
توران ئاڵكانیش ئاماژەی بەوە داوە كە دەبوایا ئەو پاكێجە بە شێوەیەكی ئازایانە و جەسوورانە ئامادە كرابا، تا بتوانێت وەڵامی داواكارییەكانی كۆمەڵگە و پێكهاتەكانی توركیا بداتەوە.
مومتەزەر توركونەیش جەختی لەوە كردووەتەوە كە دەكرا چوارچێوەی ئەو پاكێجە بەرفراوانترا كرابایا و تێیادا باسی چەندین پرسی دیكە كرابایا.
