سەرۆکی هەرێمی کوردستان سەرەخۆشیی لە ئەحمەد تورک و عوسمان بایدەمیر دەکات
بەڕێز مسعود بارزانی سەرۆکی هەرێمی کوردستان، لە دوو پەیامی هاوخەمیدا، سەرەخۆشیی لە هەریەک لە بەڕێزان ئەحمەد تورک، هاوسەرۆكی كۆنگرەی جڤاكی دیموكراتی و عوسمان بایدەمیر سەرۆکی شارەوانیی ئامەد، دەکات.
بەبۆنەی کۆچی دوایی دایکی بەڕێز عوسمان بایدەمیر سەرۆکی شارەوانیی ئامەد، بەڕێز مسعود بارزانی سەرۆکی هەرێمی کوردستان لە پەیامێکدا هاوخەمیی خۆی بە بەڕێزیان و خانەوادەکەیان ڕادەگەیەنێت.
هەروەها بەبۆنەی کۆچی دوایی برا گەورەی بەڕێز ئەحمەد تورک، هاوسەرۆكی كۆنگرەی جڤاكی دیموكراتی، بەڕێز مسعود بارزانی سەرۆکی هەرێمی کوردستان لە پەیامێکدا سەرەخۆشی لە بەڕێزیان و خانەوادەکەیان دەکات.
ئەمە دەقی پەیامەکانە:
بەناوی خوای گەورەو میهرەبان
بەرێز كاك عوسمان بایدەمیر
سەرۆكی شارەوانیی ئامەد
بەداخ و پەژارەیەكی زۆرەوە هەواڵی كۆچی دوایی دایكی بەرێزتانمان پێگەیشت. بەم بۆنە خەمناكەوە پرسە و سەرەخۆشی خۆمان ئاراستەی ئێوە و بنەماڵە تێكۆشەرەكەتان دەكەین و لە خوای گەورە دەپاڕێینەوە دایكی كۆچكردووتان بخاتە بەر دلۆڤانیی خۆی و سەبووری و ئارامییش بە هەموو لایەك ببەخشێت.
انا لله وانا الیە راجعون
مسعود بارزانی
سەرۆكی هەرێمی كوردستان
28/9/2013
--------------------------------------
بەناوی خوای گەورەو میهرەبان
برای بەرێز كاك ئەحمەد تورك
هاوسەرۆكی كۆنگرەی جڤاكی دیموكراتی
بەداخ و پەژارەیەكی زۆرەوە هەواڵی كۆچی دوایی برا گەورەی بەرێزتانمان پێگەیشت. بەم بۆنە خەمناكەوە پرسە و سەرەخۆشی خۆمان ئاراستەی ئێوە و بنەماڵە تێكۆشەرەكەتان دەكەین و لە خوای گەورە دەپاڕێینەوە برای كۆچكردووتان بخاتە بەر دلۆڤانیی خۆی و سەبووری و ئارامییش بە هەموو لایەك ببەخشێت.
انا لله وانا الیە راجعون
مسعود بارزانی
سەرۆكی هەرێمی كوردستان
28/9/2013
