رێكخراوا مافێ مرۆڤ ل دهۆكێ وۆركشوپه‌ك ل دۆر خۆكوشتنا فێرخوازان سازكر
دهوك-KDP.info/رێكخراوا مافێ مرۆڤ ب هه‌ڤكاری دگه‌ل رێڤه‌به‌رییا گشتییا په‌روه‌ردێ ل پارێزگه‌ها دهۆكێ، سكۆلا پزیشكی، رێڤه‌به‌رییا به‌رهنگاریبوونا دژواریێ دژی ئافره‌تان، ئێكه‌تیا ئافره‌تێن دهۆكێ و ئێكه‌تیا قوتابیان ل دهۆكێ دڤێ ورۆكشوپێ دا پتر ژ 20 ڤه‌كۆله‌رێن جڤاكی ئاماده‌بوون و گه‌له‌ك بابه‌تێن ب مفا ل دۆر خۆكوشتنا گه‌نجان هاتنه به‌حسكرن.
د وۆركشوپا ناڤبری دا سێ بابه‌ت ژلایێ د. پرجان هاشم، ڤه‌كۆله‌ر گلاڤێژ جه‌عفه‌ر و مامۆستا صه‌دیق شه‌رۆ ڤه هاتنه گه‌نگه‌شه‌كرن. دلایه‌كێ دیێ وۆركشوپێ دا دانوستاندن ل دۆر بابه‌تێ ناڤبری هاته‌كرن و خالێن گرنگ بۆ دووڤچوونێ هاتنه ده‌ستنیشانكرن.
رێكخراوا ماڤێ مرۆڤ خویاكر ل داویا كۆمبوونێ رێكخراوا مافێ مرۆڤ و رێڤه‌به‌رییا گشتییا په‌روه‌ردێ رێكه‌فتن ل سه‌ر درێژه‌دان ب كاركرنێ ل دۆر ڤێ ئاریشێ، دیسا ڤه‌كرنا خولێن تایبه‌ت بۆ ڤه‌كۆله‌رێن جڤاكی و پێشكێشكرنا وانه‌یێن تایبه‌ت بۆ فێرخوازان.
