حه‌جیێن دهوكێ به‌ره‌ڤ سعودی برێكه‌ڤتن
دهۆك - KDP.info/ ئه‌ڤرۆ كاروانێ ئێكی یێ حه‌جیێن پارێزگه‌ها دهۆكێ كو پێكهاتبون ژ 423 حه‌جیان ب رێكا فرۆكخانه‌یا هه‌ولێرێ دێ به‌ره‌ڤ عه‌ره‌بستانا سعوودیێ بریكه‌ڤن.
(شه‌مسه‌دین تاهر) رێڤه‌به‌ری حه‌ج و عومرێ ل پارێزگه‌ها دهۆكێ راگه‌هاند، كاروانێ ئێكێ یێ حه‌جییان ژ (445) حه‌جییان پێكهاتینه ژوانا ژی (397) ل دهۆكێ و (48) ژ ئاكرێ نه ئانكو سه‌رجه‌مێ وان (445) ژبۆ ئه‌داكرنا رێوره‌سمێن حه‌جێ به‌ره‌ڤ وه‌لاتێ سعویه برێكه‌ڤتن هه‌روه‌سا دوهی ژی (22) حه‌جی دگه‌ل حه‌جیێن هه‌ولێری برێكه‌تبون.
دیاركر ژی كو بڕیاره كاروانێ دوویێ یێ حه‌جیان كو پێكهاتینه ژ (420) حه‌جیێن قه‌زایێن زاخۆ و به‌رده‌ره‌ش و شێخان سوبه‌هی دێ برێكه‌ڤن، و كاروانێ سیێ و دووماهیێ ژ 93 حه‌جییان پێكدهێت دێ رۆژا 29ێ ڤێ مه‌هێ برێكه‌ڤن.
رێڤه‌به‌ری حه‌ج و عومرێ ل پارێزگه‌ها دهۆكێ خویاكر، كو ئه‌ڤ ساله ل پارێزگه‌ها دهۆكێ (915) كه‌س دێ به‌ره‌ڤ حه‌جێ چن ، ژ وانا (33) كه‌س ژ ستافێ خزمه‌تێ كو ژ (19) به‌لینده‌ران و (10) شاره‌زایێن ئایینی و فه‌رمانبه‌رێن كارگێرینه و دگه‌ل چوار كه‌سان ژ ستافێ ساخله‌میێ بو پتر خزمه‌تكرنا حه‌جیان دێ ڤی ئه‌ركی ب ستویێ خوڤه گرن.
