پروسا دەنگدانا تایبەت ل دەڤەرا ئامێدیێ برێڤەدچیت
ئامێدی - KDP.info/ وەک هەر دەڤەرەکا دی یا کوردستانێ ئەڤرو ل دەمژمێر ٧ ی سپێدێ ل دەڤەرا ئامێدیێ پروسا دەنگدانا تایبەت دەستپێکر و هێزێن پێشمەرگە و پولیسان ب گەرم و گوری قەستا بنگەهێن دەنگدانێ کریە .
ب ئامادەبوونا نوێنەرێن کیانێن سیاسی و چاڤدێرێن رێکخراوێن جڤاکێ سڤیل ل سنورێ قەزا ئامێدیێ دوو بنگەهێن دەنگدانێ هاتینە ڤەکرن، یێ ئێکێ بنگەهێ شەهید عزەت ل سەنتەرێ باژێرێ ئامێدێ هاتیەڤەکرن و (٥) ویستگەهان بخوڤەدگریت و (٢٢١٦) کەسان مافێ دەنگدانێ تێدا هەیە و بنگەهێ دووێ ل قوتابخانا بنەرەتا سەرسنک ل سەنتەرێ ناحیا سەرسنکێ و (4) ویستگەهان بخوڤەدگریت و (٣٤٨) دەنگدەر هەنە.
وەک دیار ئامادەبوون لبەر دەرگەهێن بنگەهێن دەنگدانێ ژلایێ دەنگدەران ڤە یا زورە بەلێ رێژا دەنگدانێ یا کێمە ژبەر ئاریشێن مورا ئەلکترونی یا دەنگدانێ کو یا گونجای نینە دگەل قەبارێ فورما دەنگدانێ.
ژ هەژی گوتنێێە کو ل سەرانسەری کوردستانێ ئەڤرو ١٩/٩/٢٠١٣پرۆسا ده‌نگدانا تایبه‌ت ب ئاماده‌بوونا نوێنه‌رێن لایه‌نێن سیاسی و چاڤدێرێن رێکخراوێن كۆمه‌ڵگەهێ مه‌ده‌نى به گه‌رمى برێڤه‌د‌چیت
د پرۆسا ده‌نگدانا تایبه‌ت دا (165) هزار كه‌سان مافێ ده‌نگدانێ هه‌یه كو لسه‌ر99
بنگه‌هان و 372 ویستگەهان هاتینه پارڤه‌كرنبەلێ وەک دیار ل پرانیا بنگه‌هێن ده‌نگدانێ گرفتاریا ئامورا مۆرا ئەلکترونی یا ده‌نگدانێ هه‌یه و به‌رپرسیارێن كۆمسیۆنێ ژی د هه‌ولا چاره‌سه‌ركرنا وێ گرفتاریێ ده‌نه.
