مه‌تین فه‌یزی ئۆغڵو: پرسی كورد به‌مجۆره چاره‌سه‌ر ناكرێت
ئه‌نقه‌ره - KDP.info/ هاوكات له‌گه‌ڵ هه‌وڵدانه‌كانی ئۆپۆزسیونی توركیا بۆ دژایه‌تی كردنی قۆناغی چاره‌سه‌ر كردنی پرسی كورد و پرۆسه‌ی دیموكراتیزه كردنی توركیا، سه‌رۆكی یه‌كێتی ژووره‌كانی توركیایش ره‌خنه‌ی له سیاسه‌تی حكوومه‌تی توركیا كرد و گوتی سیاسه‌تی حكوومه‌ت سیاسه‌تێكی هه‌ڵه‌یه.
له‌مباره‌یه‌وه رۆژنامه‌ی توركیا بڵاویكرده‌وه كه سه‌رۆكی یه‌كێتی ژووره‌كانی توركیا مه‌تین فه‌یزی ئۆغڵو به هۆی سیاسه‌ته‌كانی حكوومه‌ته‌وه ره‌خنه‌ی زۆر توندی ئاراسته‌ی به‌رپرسانی حكوومه‌ت كردووه و رایگه‌یاندووه، حكوومه‌ت له چوارچێوه‌ی قۆناغی چاره‌سه‌ری پرسی كورددا ده‌ستی به گفتوگو كردن له‌گه‌ڵ په‌كه‌كه كردووه و له به‌رامبه‌ریشدا ئه‌و به‌رپرسانه‌ی سوپا كه به ساڵان له دژی په‌كه‌كه شه‌ڕیان كرد له نێو گرتووخانه‌كاندا به سزای زۆر قورس حكوم دراون.
فه‌یزی ئۆغڵو جه‌ختی له‌وه كرده‌وه كه ئه‌م هه‌ڵًوێسته‌ی حكوومه‌تی توركیا نه‌ته‌نیا نابێته زه‌مینه خۆشكه‌ر بۆ چاره‌سه‌ر كردنی پرسی كورد به پێچه‌وانه‌وه زیان ده‌دات له یه‌كێتی توركیا.
