قائممقامێ زاخۆ: هه‌رچیا دئیمكانێن حكومه‌تێ دا بیت دێ پێشكێشى هاولاتیان كه‌ت
زاخوKDP.info/ /ب ئاماده‌بون و چاڤدێریا قائممقامێ زاخۆ ل روژا دووشه‌مبێ و لرێكه‌فتى (16-9-2013) و ئاماده‌بوونا هژماره‌كا رێڤه‌به‌رێن دام و ده‌زگایێن حكومه‌تێ ل زاخۆ به‌رێ بنیاتى بۆ قاتێ دووێ یێ رێڤه‌به‌ریا چاندنێ ل زاخۆ دانا و پاشى هه‌رسێ قوتابخانێن ل تاخێن بێدار و تلكه‌به‌رو نه‌وروز هاتنه ڤه‌كرن و دیسان ئاڤاهیێ نوى یێ رێڤه‌به‌ریا هوبا ئاڤا ژێر زه‌ڤى ل زاخۆ هاتنه ڤه‌كرن.
هه‌ژى گوتنێ یه كو مه‌بله‌غێ بۆ ڤان پروژێن هاتینه ڤه‌كرن و به‌رێ بنیاتى بۆ هاتى یه دانان (5،176،731،516) دینارێن عیراقى بوون كو لسه‌ر هه‌ردوو بودجێن گه‌شه‌پێدانا هه‌رێما و وه‌زاره‌تێن په‌روه‌رده و چاندنێ یێن حكومه‌تا هه‌رێما كوردستانێ بوون .
و دپرێس كونفرانسه‌كێدا به‌رێز خه‌لیل مه‌حمود قائممقامێ زاخۆ دایه دیاركرن كو ئه‌ڤ پروژه ب تایبه‌تى قوتابخانه ده‌ستپێكا سالانوى یا خواندنێ یه و دێ خزمه‌ته‌كا ژهه‌ژى پێشكێشى قوتابیان كه‌ن و دیسان به‌رفه‌رهكرن و ڤه‌كرنا ئاڤاهیێ، رێڤه‌به‌ریان دێ پتر ئاسانكاریا بۆ هاولاتیان و فه‌رمانبه‌رێن مه دروست كه‌ت و خزمه‌ته‌كا باش پێشكێشى هاولاتیان كه‌ت .
