ئه‌نجامی كۆتایی هه‌ردوو خولی قۆناغی (9)ی بنه‌ڕه‌تی و (12)ی ئاماده‌یی ئاشكرا كرا

ھەولێر_تایبەت بەKDP.info/ئه‌مڕۆ 12/9/2013 له‌ كۆنگره‌یه‌كی  رۆژنامه‌وانیدا باپیر به‌كر  به‌ڕێوه‌به‌ری گشتی  ئه‌زموونه‌كان  له‌ وه‌زاره‌تی په‌روه‌رده‌ ئه‌نجامی كۆتایی هه‌ردوو  خولی  قۆناغی (9)ی بنه‌ڕه‌تی  و (12)ی ئاماده‌یی ئاشكرا كرد.

به‌ڕێوه‌به‌ری گشتی  ئه‌زموونه‌كان گوتی ڕێژه‌ی ده‌رچوونی قۆناغی دوازده‌ی ئاماده‌یی  ئه‌مساڵ   17%  له‌ پارساڵ زیاتره‌، ژماره‌ی به‌شداربووان له‌ هه‌ردوو خول  جۆری خوێندنی  زانستی ( 47468) به‌شدار بووه‌ و ژماره‌ی ده‌رچووان ( 24581)، ڕێژه‌ی  ده‌رچوونی  به‌شداربووان (51،78%)، جۆری  خوێندنی وێژه‌یی  ژماره‌ی به‌شداربووانی (56876) و ژماره‌ی ده‌رچووانیش  ( 32632)  و رێژه‌ی  ده‌رچوونی به‌شداربووان (57،37%). به‌شه‌كانی خوێندنی پیشه‌ییش  ژماره‌ی به‌شداربووان ( 3157) و ژماره‌ی ده‌رچووانیش  ( 1774) و رێژه‌ی ده‌رچوونی به‌شداربووانیش  (56،19%) سه‌رجه‌م ڕێژه‌ی به‌شداربووان (107501) و رێژه‌ی ده‌رچووانیش  (5897)  و رێژه‌ی ده‌رچوونی به‌شداربووان به‌ هه‌رسێ  قۆناغه‌كه‌وه‌ (54،871%) بووه‌، هه‌روه‌ها  گوتی ئه‌م رێژه‌یه‌  به‌ به‌راورد له‌گه‌ڵ‌ ساڵی خوێندنی ( 2011-2012 ) زیادی كردووه‌، به‌شێوه‌یه‌ك به‌شی زانستی  (50،62%) و به‌شی وێژه‌یی (40،55%) و به‌شی پیشه‌یی (72،58 % ). لێره‌دا بۆمان ده‌رده‌كه‌وێت كه‌ ڕێژه‌كه‌ (17%) له‌ پارساڵ زیاتره،‌  به‌ڕێوه‌به‌ری گشتی ئه‌زموونه‌كانیش  له‌ باره‌ی قۆناغی پۆلی  نۆیه‌می بنه‌ڕه‌تی ساڵی (2013-2014 )  به‌م شێوه‌ی  بۆ هه‌ردوو  خول ڕاگه‌یاند: ژماره‌ی به‌شداربووان (120942) و ده‌رچووانیش (81197) و ڕێژه‌ی ده‌رچوونی به‌شداربووانیش  (67،14%).

بۆ زانیاری زیاتر قوتابیان و خوێندكارانی خۆشه‌ویستی پۆلی (12)ی ئاماده‌یی ده‌توانن له‌ ماڵپه‌ڕی www.azmun.com  نمره‌كانتان وه‌ربگرنه‌وه‌.