بۆ دەست پێکردنی پرۆسەی دامەزراندن ئەنجوومەنی وەزیران لیژنەیەکی پێکھێنا
ھەولێر-تایبەت بەKDP.info/ وەزیری ھەرێم بۆ کاروباری نێوان حکوومەت و پەرلەمانی کوردستان ئاشکرایکرد، بەبڕیاری ئەنجوومەنی وەزیران لیژنەیەک بۆ دەست پێکردن پرۆسەی دامەزراندن پێکھاتووە وبڕیارەش ئەم ھەفتەیە ئەو لیژنەیە کۆبێتەوە.
سەعد خالد وەزیری ھەرێم بۆ کاروباری نێوان حکوومەت وپەرلەمانی کوردستان بەkdp.infoراگەیاند: دامەزراندن خاڵی یەکەمی کارنامەی کۆبوونەوەی دوێنی ئەنجوومەنی وەزیران بوو و تێدا بڕیار درا لیژنەیەک پێک بێت لە وەزیری دارایی و پلاندانان و کاروباری کۆمەڵایەتی و سەرۆکی کارگێری ھەماھەنگی بۆ جێبەجێکردنی پرۆسەی دامەزراندن.
سەعد خالد گوتیشی: چاوەڕوان دەکرێت ئەو ھەفتەیە ئەو لیژنەیە کۆبێتەوەو پرۆسەکەش بەھەمان شێوەی ساڵی رابردوو
دەبێت.
خالد رونیشیکرده‌وە، ئەمساڵ دامەزراندن بەپێی پێویستی وەزارەتەکان دەبێت و زیاتر ئەوە لەبەرچاو دەگیرێت و بەپێی رێژەی دانیشتوان نابێت.
ناوبراو ئاماژەی بەوەشکرد، ھیچ وادەیەکی دیاریکراو بۆ پرۆسەکە دانەنراوە، بەڵام رەنگە بکەوێتە دوای ھەڵبژاردن.
بڕیارە ئەم ساڵ 15ھەزار کەس لەسەر میلاکی حکوومەتی ھەرێمی کوردستان دابمەزرێن.
