قائممقامێ زاخۆ چه‌ند پروژه‌ك ڤه‌كرن و سه‌ره‌دانا هژماره‌كا دیتركر‏

زاخو-KDP.info/ ب ئاماده‌بوونا خه‌لیل مه‌حمود قائممقامێ زاخۆ و هژماره‌كا رێڤه‌به‌رێن دام و ده‌زگایێ حكومه‌تێ و لرێكه‌فتی (10-9-2013)ێ و بهه‌لكه‌فتا شوره‌شا ئه‌یلولا مه‌زن قائممقامێ زاخۆ سه‌ره‌دانا هژماره‌كا پروژان كرو دووقوتابخانه‌ ڤه‌كرن .

و دپرێس كونفرانسه‌كێ دا قائممقامێ زاخۆ گرنگیا ڤان پروژان به‌رچاڤ كر بتایبه‌تی سه‌ره‌دانا پروژێ چێكر نا تونێلا گه‌لیێ زاخۆ كو بۆ ئێكه‌م جاره‌ ل به‌هدینان تونێله‌كا بڤی ره‌نگی دهێته‌ دروستكرن له‌وما هه‌م ڤه‌كرنا ڤان قوتابخانا و هه‌م دروستكرن و چێكرنا رێكان دێ خزمه‌ته‌كا باش پێشكێشی هاولاتیان كه‌ت و ئه‌وژی گوت دێ حكومه‌تا هه‌رێما كوردستانێ به‌رده‌وام ڤان خزمه‌تگوزاریان پێشكێشی هه‌می باژێرو باژێركێن كوردستانێ كه‌ت زاخوژی بێ به‌هر نابیت ژڤان خزمه‌تگوزاریا و هه‌روه‌سا كوژمێ بۆ ڤان پروژێن هاتین ڤه‌كرن و سه‌ره‌دان بۆ هاتی كرن بهایێ پتر ژ (160) سه‌دو شێست ملیار دینارێن عیراقی بۆ هاتبوونه‌ ته‌رخانكرن .