جوتسایدێ دێره‌لۆك به‌ری ده‌مێ خوه دێ ب داوی هێت
دیرەلوكKDP.info/ چێكرنا پرۆژه‌یێ جوتسایدێ دێره‌لۆك به‌رڤ قوناغێن داویێ یه و ل گور ئاخفتنا سه‌رۆكێ باژێرڤانیا دێره‌لۆك به‌ری ده‌مێ خوه ئه‌ڤ پرۆژه‌یه دێ ب داوی هێت و دێ كه‌فته د خزمه‌تا هاولاتیان دا.
ئه‌ندازیار هه‌ژار محه‌مه‌د نه‌سرولله سه‌رۆكێ باژێرڤانیا دێره‌لۆك بۆ مه دیاركر، كو نها پرۆژه‌یێ جوتسایدكرنا جاده‌یا سه‌ره‌كی ل دێره‌لۆكێ به‌رڤ داویێ یه و گۆت : ( نها كارێ پرۆژه‌یێ گه‌هشتیه قوناغا قێركرنێ و به‌ری ده‌مێ خوه یێ ده‌ست نیشانكری كو هه‌یڤا 2 یا سالا بهێته دێ ب داوی هێت و دێ كه‌ڤیته د خزمه‌تا هاولاتیێن ده‌ڤه‌رێ دا).
ناڤبری دیاركر، كو پرۆژه‌یێ جوتسادێ دێره‌لۆكێ ب درێژاهیا نێزیكێ 3 كێلومه‌تران ل سالا 2011 ده‌ست ب كارێ چێكرنا وێ هاتیه كرن و كوژمێ 13 ملیار دیناران ل سه‌ر بودجا حكومه‌تا هه‌رێما كوردستانێ بۆ هاتینه ته‌رخانكرن.
ده‌ربارێ ئه‌و جاده‌یا مایی و نه‌هاتیه چێكرن كو 2 كیلومه‌ترونیڤن ناڤبری دیاركر، كو بۆ قوناغا نها رازیبوون هاتیه كرن ل سه‌ر وێ یه‌كێ قاته‌كێ قێرێ ل سه‌ر بهێته دان ل گه‌ل چێكرنا هه‌ر دوولایێن جاده‌یێ و گۆت: ( مه ڤه‌دیتن ژی یێن بوو ئه‌نجامدایین وئه‌م چاڤه‌رێ نه هه‌ر گاڤه‌كا رازیبوون ل سه‌ر جوتسایدكرنا وێ هاته كرن دێ ده‌ست ب چێكرنا وێ كه‌ین و ئه‌ڤه ژی ژبلی دێ جوانیه‌كا تایبه‌ت ده‌ته باژێركێ دێره‌لۆك دێ بیته ئه‌گه‌رێ ب ساناهی كرنا هاتن و چونێ و كێمكرنا روودانێن ترافیكێ).
