سه‌رۆكی هه‌رێمی كوردستان سه‌ره‌خۆشی له خانه‌واده‌ی به‌رێزی خوالێیخۆشبێت مه‌حموود پۆسته‌چی ده‌كات
بەبۆنەی كۆچی دوایی پێشمەرگەی دێرین و زەحمەتكێش خوالێیخۆشبێت محمود پۆستەچی، سەرۆك بارزانی پەیامێكی سەرەخۆشی ئاراستەی خانەوادەی بەرێزیان كرد ئەمەش دەقەكەیەتی:
به ناوی خوای مه‌زن و دلۆڤان
خانه‌واده‌ی به‌رێزی خوالێیخۆشبێت
مه‌حموود پۆسته‌چی
سڵاوی خواتان لێ بێت
به‌داخه‌وه هه‌واڵی كۆچی دوایی پێشمه‌رگه‌ی دێرین و زه‌حمه‌تكێش خوالێیخۆشبێت مه‌حموود پۆسته‌چی _ مان پێگه‌یشت.
به‌م بۆنه خه‌مناكه‌وه هاوخه‌میی خۆمان ئاراسته‌ی ئێوه‌ی خانه‌واده به‌رێزه‌كه‌ی ده‌كه‌ین كه جگه له ده‌ستدانی پێشمه‌رگه‌یه‌كی كۆلنه‌ده‌ر هه‌ڤاڵێكی دڵسۆز و به‌وه‌فامان له‌ده‌ست دا كه هه‌میشه له یادمان ده‌مێنێته‌وه.
له یه‌زدانی مه‌زن داواكارین كۆچكردوو بخاته به‌ر سۆزی فراوانی خۆی له به‌هه‌شتی به‌رین و سه‌بوری و دڵنه‌واییش ببه‌خشێته هه‌موو لایه‌ك.
اناللة وانا الیة راجعون
مسعود بارزانی
سه‌رۆكی هه‌رێمی كوردستان
2/7/2012
