بكوژمێ پترى 14ملیار دیناران پروژێن رێڤه‌به‌ریا ئاڤێ دقوناغا بجهئینانێ دانهل دهوكێ
دهوك-KDP.info/ رێڤه‌به‌ریا ئاڤا دهوكێ كارێ برێڤه‌برن و سه‌رپه‌رشتیا ئاڤا باژێرێ دهوكێ و گوندێن ناحیێن زاویته و مانگێشكێ دكه‌ت , سالانه پلان و به‌رنامێن به‌رفره‌ه هه‌نه بو بجهئینانا پروژێن پێدڤى یێن ئاڤێ ل ڤان ده‌ڤه‌را.
ل سالا 2013 ێ رێڤه‌به‌ریا نافبرى ب دوو بودجا پروژا بجه دئینیتیا ئیكى بودجا گه‌شه‌پێدانا هه‌رێما كو زێده‌تر ژ 4 ملیارو 123 ملیون دینارا پروژا بجه دئینیت ویا دووى بودجا وه‌زاره‌تا باژێرڤانى و گه‌شت و گوزار كو زێده‌تر ژ 10 ملیارو 832 ملیون دینارا پۆوژا بجه دئینیت.
ئه‌ندازیار جه‌لال جه‌میل رێڤه‌به‌رێ ئاڤا دهوكێ بو kdp.info دیار كر،كوسالانه ژ دوو بودجا پروژا بجهدئینن و بو سالا 2013 ێ زێده‌تر ژ 15 ملیار دینارا ژ هه‌ردوو بودجا بو هه‌تینه ته‌رخانكرن,
ژبودجا گه‌شه‌پێدانا هه‌رێما 4 ملیارو 123 ملیون دینار بو دانانا تورێن ئاڤێ یێن نوى ل تاخێن نو ى دهێنه ئاڤاكرن و گوهرینا تورێن كه‌ڤن و كرینا كه‌ل و په‌لێن یه‌ده‌ك و ده‌رمانێن تافیلكرن و پاقژ كرنا ئاڤێ بو پروژێن ئاڤێ كرێكرنا تانكه‌رێن ئاڤا ڤه‌خوارنێ بو گوندێن بێ ئاڤ و چێكرناتورێن ئاڤێ ل گوندێن ده‌ڤه‌رێن زاویته و مانگێشكێ و پێشڤه‌برنا كاروبارێن رێڤه‌به‌ریێ و زێده‌كرنا هنده‌ك ژورا بو كارێ روژانه و پێشڤه‌برنا كارى و خزمه‌تێ.
دبیاڤێ پروژێن بودجا وه‌زاره‌تا باژێرڤانى و گه‌شت و گوزا ردا رێڤه‌به‌رێ ئاڤادهوكێ دیار كر كو وان ئه‌ف ساله 2013 ێ ب كوژمێ زێده‌تر ژ 10 ملیارو 832 ملیون دینارا پروژه ده‌ست پێكرینه ئه‌وژى كێشانا هێلێن ئاڤێ بو تاخێن باژێرا و گوندێن ده‌ڤه‌رێ و كرینا كه‌ل و په‌لێن یه‌ده‌ك و كه‌ره‌ستێن تافیل كرن و پاقژكرنا ئاڤا ڤه‌خوارنێ ل دهوكى~َ و گوندێن ده‌ڤه‌رێ یێن گرێداى زاویته و مانگیشكێ و كولانا بیرا و كرینا كه‌ل په‌لێن یه‌ده‌ك بو پروژێ ئاڤا دهوكێ و پلاروژێن دى یێن ئاڤێ زێده‌بارى چه‌ندین پروژێن یێن گرنگ دبیاڤێ ئاڤێ و سه‌خبێركرنا به‌رده‌وام بو پروژێن ئاڤێ و چێكرنا كێماسیێن په‌یدا دبن.
