15 كامیۆنێن كه‌لوپه‌ل و هاریكارییان بۆ ئاواره‌یێن رۆژئاڤا هاتنه كۆمكرن
ئامێدیێ-KDP.info/دوهی ل ده‌ڤه‌را ئامێدیێ هه‌وا كۆمكرنا هاریكارییان بۆ ئاواره‌یێن رۆژئاڤایێ كوردستانێ ب داوی هات ، 15 كامیۆنێن هاریكاری و كه‌لوپه‌لان هاتنه كۆمكرن ، پاشی ژی بۆ لژنه‌یا بلندا كۆمكرنا هه‌ڤكارییان ل دهوكێ هاتنه شاندن.
هه‌ر دڤی واری دا هه‌كار عه‌بدولسه‌لام تێبینه‌رێ ئه‌وقافا ئامێدیێ بۆkdp.info دیاركر، پشتی ده‌ستپێكرنا هه‌وه‌كا كۆمكرنا هاریكارییان بۆ ئاواره‌یێن رۆژئاڤایێ كوردستانێ ، كۆ بۆ هه‌یاما هه‌شت رۆژان یا به‌رده‌وام بوویه، ئه‌و كارینه 15 كامیۆنێن كه‌لوپه‌لان كۆمبكه‌ن و دیسا گوژمه‌یێ 9 ملیۆن و 300 هزار دیناران ژی دڤێ هه‌وێ دا هاتینه كۆمكرن و گۆت، كه‌لوپه‌لێن هان ژی، بۆ لیژنه‌یا بلند یا كۆمكرنا هاریكارییان ل دهۆكێ هاتنه هنارتن و ئاشكرا كر، 40 ژ مالباتێن ئاواره‌یان ژی، كۆ ل رۆژئاڤایێ كوردستانێ كۆچبه‌ری ده‌ڤه‌رێ بووینه و نها لڤێ ده‌ڤه‌رێ ئاكنجینه، ژ ڤان كه‌لوپه‌لێن هاتینه كۆمكرن مفادار بوون و ته‌كه‌ز ژی كر ، ئه‌ڤ هه‌وه ب هه‌ڤكارییا رێكخراوێن جڤاكێ سڤیل، سه‌نته‌رێن ره‌وشه‌نبیری، رێكخراوێن قوتابی، لاو، ئافره‌تێن ده‌ڤه‌رێ، ب سه‌رپه‌رشتییا ده‌ڤه‌رداریا ئامێدیێ هاتیه ده‌ستپێكرن.
ژئالیه‌كێ دن ژی و هه‌ر ل دۆر كۆمكرنا هاریكارییان، به‌همه‌ن ئه‌حمه‌د رێڤه‌به‌رێ ناوچه‌یا دێره‌لۆك خویا كر، خه‌لكێ ناوچه‌یێ گه‌له‌ك هه‌ڤكاربووینه، بۆ بسه‌رخستنا ڤێ هه‌وا كۆمكرنا هاریكاریان، بۆ ئاواره‌یێن رۆژئاڤا و گۆت، ده‌ست خوه‌شیێ ل هه‌موو وی خه‌لكی دكه‌ین ئه‌وێن كۆ به‌شداری دڤێ هه‌وا پیرۆز دا كری و ئاشكرا ژی كر، خه‌لكێ دێره‌لۆك، شێلادزێ، سیریێ، گوندێن ده‌وروبه‌ر گه‌له‌ك بگه‌رمی پێشوازی ل هه‌وا كۆمكرنا هاریكارییان كرینه.
