منداڵانی روبوسكی: با هەبوونی ئێمە نەبێتە قوربانی بوونی توركیا
هەكاری- KDP.info / لە توركیا هەر ساڵ لە كاتی دەستپێكردنی ساڵی نوێی خوێندن قوتابییەكان پێویستە سوندێك بخۆن و ئاماژە بەوە بكەن كە هەبوونی ئەوان ببێتە قوربانی بوونی توركیا، بەڵام ئەو سوندە ئەمساڵ لە لایەن منداڵان و قوتابییانی ناوچەی روبوسكییەوە رەتدەكرێتەوە.
لەمبارەیەوە ماڵپەڕی دیاربەكر خەبەر بڵاویكردەوە كە منداڵانی روبوسكی لە گەڵ نزیك بوونەوەی دەستپێكردنی ساڵی نوێی خوێندندا، داوا لە بەرپرسانی توركیا دەكەن كە سوندی : با هەبوونم بە قوربانی بوونی توركیا بێت، هەڵبوەشێننەوە، چونكە ئەوان چی دیكە ئامادە نین لە كاتی دەستپێكردنی ساڵی نوێی خوێندندا، هەبوونی خۆیان بە قوربانی بوونێك بكەن، كە كومەڵكۆژی كردوون.
