میسر: خۆپیشاندان دەستیپێکردەوە و بە هۆیەوەش سێ كەس كوژران و بەدەیانی دیکەش برینداربوون

 قاهیرە – KDP.info‌/  خۆپیشاندانەكانی لایەنگرانی سەر بە ئیخوان موسلین دەستیپێکردەوە و بە هٶیەوەش  سێ كەس كوژران و بەدەیانی دیکەش برینداربوون. دوێنێ هەینی هەرچەند حکوومەتی  میسر باری نائاسایی لەتەواوی شارەكانی وڵاتەکەی راگەیاندبوو بە ئامنجی رێگا گرتن لە ساز نەکردنی خۆپیشاندان و گردبونەوە  بەڵام لایەنگرانی ئیخوان موسلیمن لە چەند شارو شارۆچكەیەکی ئەو وڵاتەدا خۆپیشاندانی سەرتاسەریان ڕیكخست و لەلایەن هێزە ئەمنییەكانیشەوە لەچەند شوینێك بەتەقە وەڵامیان درایەوە.  وەزارەتی تەندروستی  میسر بڵاوێکردەوە کە لە خۆپیشاندانەكانی دوێنێ هەینیدا   سێ كەس لەلایەنگرانی مورسی كوژران و 36 كەسی دیکەش برینداربوون .هاوکات خۆپیشاندەران بەئاژانسەكانی هەواڵیان ڕاگەیاندوە:  لەكاتی بەرێوەچوونی خۆپیشاندانەکانیان، لەلایەن هێزە ئەمنیەكانی میسرەوە بەتوندی هێرشیان كراوەتە سەرو بەچەكی تاپڕو كلاشینكۆف تەقیان لێكراوە و گازی فرمێسك ڕێژیشیان بۆ بڵاوە كردنیان بەكارهێناوە.شایەنی باسە :  لە  3 مانگی تەمووزی ئەمساڵدا محمد مورسی سەرۆكی هەڵبژێردراوی ئەو وڵاتەی لەسەركارلادراو و دوابەدوای ئەوەش هەزاران کەس  كوشت و بریندار كران و هەروەها بەدەیان سەركردەی ئیخوان موسلیمینیش  دەستگیر کراون .