پارێزگه‌رێ دهوكێ و رێڤه‌به‌رێ ده‌زگایێ ئینچن یێ فروكه‌ڤانیا سڤیل ل كوریا باشور گه‌نگه‌شا چاوانیا بجهئینانا فروكخانا دهوك یا نیڤ دەولەتی كر
دهوك-KDP.info/ ئه‌ڤرو سپێدێ ته‌مه‌ر ره‌مه‌زان پارێزگه‌رێ دهوكێ پێشوازیا چانج سو یانگرێڤه‌به‌رێ گشتی یێ ده‌زگایێ ئینچن یێ فروكه‌ڤانیا سڤیل ل كوریا باشور و شاندێ دگه‌لدا كر.
دهه‌ڤدیتنه‌كێ دا ب ئاماده‌بونا رێڤه‌به‌رێ سه‌نته‌رێ پێشڤه‌برن و گه‌شه‌پێدانێ ل پارێزگه‌ها دهوكێ به‌حسێ چاوانیا پێشڤه‌برنا په‌یوه‌ندیان و هه‌فكاری و هاریكاری كرنا ده‌زگایێ نافبری بوبجهئینانا پروژێ فروكخانا دهوك یا نیف ده‌وله‌تی هاته كرن.
و دلایه‌كێ دیێ هه‌ڤدیتنێ دا سه‌روكێ ده‌زگایێ نافبری دیار كر كو هه‌رێما كوردستانێ پێنگاڤێن باش به‌رف پێشڤه دهاڤێت و دیار كر كو ئاڤاكرن و پێشڤه‌برنا هه‌ر وه‌لاته‌كی و ملله‌ته‌كی پێدڤی ب سه‌روك و سه‌ركردێن بهێز وێره‌ك هه‌یه و كوردستان خودان سه‌روكه‌كێ بهێز و خودان شیانه و ئه‌زمونه‌كا سه‌ركه‌فتی هه‌یه.
ژلایێ خوڤه پارێزگه‌رێ دهوكێ دیار كو ئارمانج و خواستا هه‌رێما كوردستانێ ژی ئه‌وه مفای ژ سه‌ربورو ئه‌زمونا كوریا باشور وه‌رگرن و گوت : ئه‌م ژی حه‌ز دكه‌ین بله‌ز پێش بكه‌ڤین و كوریا باشور دڤیت هاریكاریا مه بكه‌ت و بیێ چ مه‌ره‌م و ئه‌زمونا وان گه‌له‌ك سه‌ركه‌فتی یه،دداخویانیه‌كی بو ده‌زگایێن راگه‌هاندنێ (چانج سو یانگ ) رێڤه‌به‌رێ گشتی یێ ده‌زگایێ ئینچن یێ فروكه‌ڤانیا سڤیل ل كوریا باشور دیار كر كو ئه‌ڤه سه‌ره‌دانا ئێكێ دئینیته كوردستانێ و گوت ئامانج ژ سه‌ره‌دانێ ئه‌وه ئه‌م وه‌كو ده‌زگایێ ئینچن سه‌رپه‌رشتیا ئاڤاكرنا فروكخانا دهوك یا نیف ده‌وله‌تی دكه‌ین ئه‌م یێن هاتین داكو ل پێنگاڤێن ئێكێ یێن ئاڤاكرنا ڤێ فروكخانێ نه‌هێلین چ ئاسته‌نگ و شاشی په‌یدا ببن و ئه‌ڤرو پشتی دان و ستاندن دگه‌ل پارێزگه‌رێ دهوكێ هاتینه كرن ئه‌م دێ سه‌ره‌دانا جهێ پروژێ فروكخانێ كه‌ین و داكو بزانین پێنگاڤێن ئێكێ یێن بجهئینانا پروژه‌ی چاوا دهێنه هاڤێتنول هزرامه كوردستان وه‌لاته‌كێ ب شه‌نسه ژبه‌ر كو جهه‌كێ ئێمنه و ئه‌رده‌كێ جوان و به‌رفره‌ه و خه‌لكه‌كێ به‌ركه‌فتی یێ هه‌ی كو ژ هه‌ژی هندێ ئه‌م ژی ده‌ستێ خو بكه‌ینه دده‌ستێن واندا بو پێشڤه‌برنا ئابور و ئاڤاكرنا كوردستانێ و ئه‌ز دبێژم فروكخانه ئێك ژوان ده‌زگه‌هێن گه‌له‌ك گرنگه بو پێشڤه‌برنا ئابورێ هه‌رێما كورستانێ و پارێزگه‌ها دهوكێ ب تایبه‌تی.
