محەمەد كەمال لێدوانێكی پارێزگار لەبارەی كۆتاییهاتن بە ماددەی 23ی هەڵبژاردن رەتدەكاتەوە

كەركووك – تایبەت بە KDP.info/ لەبارەی پرسی كۆتایی هاتنی ماددەی بیست و سێی تایبەت بە هەڵبژاردن لە كەركووك محەمەد كەمال ئەندامی ئەنجوومەنی پارێزگا و بەرپرسی لقی سێی پارتی دیموكراتی كوردستان لێداونێكی نەجمەددین كەریم پارێزگاری كەركووكی رەتكردەوە كە گوتویەتی گوایە رەتكردنەوەی ماددەی بیست و سێ بە هەوڵ و كۆششی خالید شوانی ئەندامی ئەنجوومەنی نوێنەران بووە. محەمەد كەمال لە كۆنگرەیەكی رۆژنامەوانی دا دووپاتیكردەوە كە خۆی یەكەم كەس بووە ئەو كەیسەی وروژاندووە و بەرزی كردۆتەوە بۆ ئەوەی ئەو ماددەیە رەت بكرێـتەوە.