سوریا: تەقە لە تیمەکانی پشکنەرانی نێودەوڵەتی بۆ دەرخستنی راستییەکان دەکرێت
سوریا – KDP.info / گوتەبێژێك بەناوی تیمی پشكنەرانی چەكی كیمیایی سەربە نەتەوەیەكگرتوەكان ئاشکرای کرد ئەمڕۆ دووشەممە دوای گەیشتنی تیمی چاودێری و پشكنەری چەكی كیمیایی بۆ شوێنی دیاریكراو لە شاری دیمەشق چەند جارێك بە قەناصە لەلایەن چەكدارانی نەناسراوەوە هێرشیان كراوەتە سەر تیمەكەیان و زینی گیانی نەبووە، مارتن نسیركی ، گوتەبێژی تیمی پشكنەرانی چەكی كیمیایی سەر بە نەتەوەیەكگرتوەكان بە ئاژانسی فەرنسای رایگەیاند: ئەمڕۆ دووشەممە چەند جارێك بە قەناصە هێرشكراوەتە سەر ئۆتۆمبێلی تیمی پشكنەرانی چەكی كیمیایی لەوناوچانەدا كەبریارە پشكنینیان تێدا بكرێت ، ئامانج لەو هیرشانەش کۆسپ و رێگا گرتنە لە کارەکانی تیمی بێودەوڵەتی بۆ خستنەرووی راستییەکان لەبارەی بەکار هێنانی چەکی کیمیایی، گوتەبێژەكەی تیمی پشكنەرانی چەكی كیمیایی راشیگەیاندوە: هەرچەندە ئەو تەقانەدا هیچ زیانێكی گیانی بەدواوەی نەبووە بەڵام ترس و دڵە راوكیی بۆسەر تیمەكەیان دروست بووە و حکوومەتی سوریاش لەم پرسەوە بەرپرسیارە.
