پارێزگه‌رێ دهوكێ كومبونه‌كا به‌رفره‌ه دگه‌ل هژماره‌كا خودانێن پانزینخانێن ل سنورێ پارێزگه‌ها دهوكێ گرێدا

دهوك-KDP.info/ ئه‌ڤرو ته‌مه‌ر ره‌مه‌زان پارێزگه‌رێ دهوكێ ب ئاماده‌بونا تاها زه‌نگه‌نه‌ برێكارێ وه‌زاره‌تا سامانێن سروشتی یێ هه‌رێما كوردستانێ و هژماره‌كا رێڤه‌به‌رێن گشتی و قایمقامێ دهوكێ كومبونه‌كا به‌رفره‌ه دگه‌ل هژماره‌كا خودانێن پانزینخانێن ل سنورێ پارێزگه‌ها دهوكێ گرێدا

.لده‌ستپێكێ پارێزگه‌رێ دهوكێ دیار كر كو ئه‌ف بریاره‌ دبه‌رژه‌وه‌ندیا هه‌می خه‌لكێ پارێزگه‌هێ دایه‌ پێدڤیه‌ هه‌می لایه‌ك هاریكار بن بو بجهئینانا وێ و گوت . وه‌كو حكومه‌ت دڤیت ئه‌م بجهبینین و داخواز كر كو خودانێن پانزینخانان دهاریكار بن بو سه‌ركه‌فتنا ڤی بریارێ .لدویڤدا برێكارێ وه‌زاره‌تا سامانێن سروشتی ب هویری بریارا حكومه‌تا هه‌رێما كوردستانێ شروڤه‌ كر و دیار كر كونابیت پشتی بجهئینانا ڤێ بریارێ چ ره‌نگه‌كێ پانزینێن دی بهێنه‌ فروتن و بهایێ ڤێ پانزینێ بو وه‌لاتیان دێ پێنج سه‌د دینار بن و حكومه‌ ت دێ ب چارسه‌دوهه‌شتێ دیناران ده‌ته‌ خودانێن پانزینخانان، و ئه‌ف پانزینه‌ ب كوالیتیه‌كا باش دهێته‌ چێكرن وه‌كو كوالیتیا پانزینا بێجی یه‌ .

و لدور رێژا دابینكرنێ گوت لدویف پێدڤیا پارێزگه‌هێ و فروتنا هه‌ر پانزینخانه‌كێ دێ پانزین دابین بیت، ل دویماهیێ خودانێن پانزینخانان چه‌ندین پرسیار و بوچون هه‌بون به‌رسف ل سه‌ر هاته‌ دان .